Don't Miss!
- News ராமஜெயம் நினைவு நாள்.. 12 ஆண்டுகளாக விலகாத மர்மம்.. பிரச்சாரத்திற்கு இடையே மாலையுடன் போன கேஎன் நேரு!
- Sports "3 வருடத்தில் ஐபிஎல் தொடரே இருக்காது".. ஆனால் நடந்தது இதுதான்.. அஸ்வின் அதிரடி
- Lifestyle 150 ஆண்டுகளுக்கு முன்னாடியே இந்தியாவின் முதல் செல்பியை தனது மனைவியுடன் எடுத்தது இந்த ராஜாதானாம்..போட்டோ உள்ளே!
- Finance கௌதம் அதானி கையில் பணம் விளையாடுது.. ரூ.6,661 கோடி புதிய முதலீடு..!!
- Automobiles இந்தியாவே இந்த ஸ்கோடா காருக்காக தான் வெயிட்டிங்! விலையை கேட்டா ஆச்சரியப்படுவீங்க!
- Technology வாவ்.. சும்மா அள்ளுது.. 6000எம்ஏஎச் பேட்டரி.. 50எம்பி கேமரா.. 128ஜிபி மெமரி.. எந்த மாடல்?
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
ஏ.ஆர்.ரகுமானுக்கு கவுரவ டாக்டர் பட்டம் வழங்கும் அமெரிக்கா இசைப்பல்கலைக்கழகம்!
வாஷிங்டன்: இசைப்புயல் ஏ.ஆர்.ரகுமானுக்கு அமெரிக்க இசைப் பல்கலைக்கழகம் கவுரவ டாக்டர் பட்டம் வழங்க முடிவு செய்துள்ளது.
மணிரத்னத்தின் ரோஜா படம் மூலம் தமிழ் சினிமாவில் அறிமுகமானவர் ஏ.ஆர்.ரகுமான். அப்படத்தில் இடம் பெற்ற 'சின்ன சின்ன ஆசை' பாடலின் மூலம் ரசிகர்கள் மத்தியில் பிரபலமானார்.
தற்போது தென்னிந்திய மொழிகள், இந்தி என்ற எல்லை கடந்து 'ஹாலிவுட்' வரை ஏ.ஆர்.ரகுமானின் புகழ் மணம் வீசி வருகிறது.
எல்லாப் புகழும் இறைவன் ஒருவனுக்கே....
‘ஸ்லம் டாக் மில்லினியர்' படத்தின் பாடலுக்காகவும், பின்னணி இசைக்காகவும் ஒரே மேடையில் இரண்டு ‘ஆஸ்கார்' விருதுகளை பெற்றவர் ஏ.ஆர். ரஹ்மான்.
கவுரவ டாக்டர் பட்டம்...
இந்நிலையில், ஏ.ஆர்.ரகுமானுக்கு அமெரிக்காவின் பெர்க்லீ இசைப் பல்கலைக்கழகம் கவுரவ டாக்டர் பட்டம் வழங்கி சிறப்பிக்க முடிவு செய்துள்ளது.
20 ஆண்டு இசைப்பயணம்...
இசை உலகில் 20 ஆண்டு காலம் பங்களித்து வருவதற்காக ஏ.ஆர்.ரகுமானுக்கு இந்த பட்டம் வழங்கப்படுவதாக அந்தப் பல்கலைக்கழகம் தெரிவித்துள்ளது.
அக்டோபரில் விழா...
வரும் அக்டோபர் மாதம் 24ம் தேதி அமெரிக்காவில் நடைபெறும் விழாவில் இந்த பட்டம் ஏ.ஆர்.ரகுமானுக்கு வழங்கப்பட உள்ளது.
கல்வி உதவித் தொகை...
மேலும், வரும் காலங்களில் இந்தியாவை சேர்ந்த இளைய தலைமுறையினர் பெர்க்லீ இசைப் பல்கலைக்கழகத்தில் சேர்ந்து இசை பற்றிய ஆராய்ச்சி செய்ய ஏ.ஆர். ரகுமானின் பெயரில் உதவித்தொகை வழங்கவும் முடிவு செய்யப்பட்டுள்ளது.
இசை நிகழ்ச்சி...
பட்டம் வழங்கும் விழாவின் போது பெர்க்லீ இசைப் பல்கலைக்கழகத்தை சேர்ந்த மாணவர்கள் ஏ.ஆர்.ரகுமான் இசையமைப்பில் உருவான பிரபல பாடல்கள் இடம் பெறும் இசை நிகழ்ச்சியை நடத்த திட்டமிட்டுள்ளனர்.
நுழைவுக் கட்டணம்...
இந்த நிகழ்ச்சியை காண வருபவர்களிடம் வசூல் செய்யப்படும் நுழைவுக் கட்டணம், இந்த கல்வி உதவித் தொகைக்கு பயன் படுத்தப்படும் என பெர்க்லீ இசைப் பல்கலைக்கழகம் தெரிவித்துள்ளது.