Don't Miss!
- News ‛‛குழந்தைகளை தண்டிக்க கூடாது’’.. NCPCR ரூல்ஸ்ஸை அமல்படுத்த பள்ளி கல்வித்துறைக்கு ஐகோர்ட் உத்தரவு
- Automobiles இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- Lifestyle Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- Technology ஆளுக்கு 1 ஆர்டர்.. ரூ.12,498 போதும்.. 50MP செல்பி கேமரா.. OZO ஆடியோ.. அறிமுகமானது HMD போன்கள்.. எந்த மாடல்?
- Finance ஹார்லிக்ஸ் இனி ஹெல்த் ட்ரிங்க் இல்ல.. மத்திய அரசு அதிரடி அறிவிப்பு!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
அமெரிக்காவின் 'ரெமி' விருதை வென்றது 'கனவு வாரியம்'!
இயக்குநர் அருண் சிதம்பரத்தின் 'கனவு வாரியம்' திரைப்படம் உலகப் புகழ் பெற்ற 'ரெமி' விருதை வென்றுள்ளது. அமெரிக்காவின் ஹூஸ்டன் நகரில் ஏப்ரல் 8 முதல் 17 ஆம் தேதி வரை நடைபெறும் 49 ஆவது சர்வதேச திரைப்பட விழாவில் ('வேர்ல்ட் ஃபெஸ்ட் ஹூஸ்டன்') இந்த விருது வழங்கப்பட உள்ளது.
'வேர்ல்ட் ஃபெஸ்ட்' உலகின் முதன்மையான திரைப்பட விழாக்களில் ஒன்றாகும். உலகின் புகழ்பெற்ற இயக்குனர்களான ஸ்டீவன் ஸ்பீல்பெர்க் (ஜுராஸிக் பார்க், ஷிண்ட்லர்ஸ் லிஸ்ட்), ரிட்லி ஸ்காட் (கிளேடியேட்டர், த மார்ஷியன்), ஜார்ஜ் லுகாஸ் (ஸ்டார் வார்ஸ்), ஆங் லீ (ஹல்க், லைப் ஆப் பை), பிரான்சிஸ் போர்ட் கப்போலா (தி காட்பாதர்), ஜான் லீ ஹான்கோக் (த பிளைண்ட் சைட், சேவிங் மிஸ்டர் பேங்க்ஸ்) போன்ற பல தலைசிறந்த இயக்குனர்கள் இந்தத் திரைப்பட விழாவின் கண்டுபிடிப்பே.
நாற்பத்தி மூன்றுக்கும் மேற்பட்ட நாடுகளிலிருந்து ஆயிரத்திற்கும் அதிகமான திரைப்படங்கள் ‘வேர்ல்ட் ஃபெஸ்ட்' திரைப்பட விழாவில் ரெமி விருதை வெல்ல போட்டி போடும். அவைகளில் தரமானவையே தேர்வு செய்யப்படும்.
'கனவு வாரியம்' திரைப்படம் உலகில் முதல் முறையாக வேர்ல்ட் ஃபெஸ்ட் திரைப்பட விழாவில் திரையிடப்படுகிறது. அருண் சிதம்பரத்தின் கதை, திரைக்கதை, வசனம், பாடல்கள், இயக்கத்தில் வெளியாகும் இந்தத் திரைப்படத்தின் கதாநாயகனாக அருண் சிதம்பரம் அறிமுகமாகிறார்.
இது மட்டுமின்றி, 'கனவு வாரியம்' திரைப்படத்தில் இடம்பெற்றுள்ள 'கல்லா மண்ணா' என்ற பாடலும் சர்வதேச அங்கீகாரம் பெற்றுள்ளது.
இதுகுறித்து அருண் சிதம்பரம கூறுகையில், "அமெரிக்காவின் ஒக்லஹோமா மாகாணத்தில் ஏப்ரல் 19 முதல் 24 வரை நடைபெறும் 'பேர் போன்ஸ் சர்வதேச திரைப்பட விழாவில்' திரையிட 'கல்லா மண்ணா' பாடல் தேர்வாகியுள்ளது. 'கல்லா மண்ணா' பாடல் நகர மயமாக்கலிலும் வீடியோ கேம் மோகத்திலும் நாம் மறந்து போன 51 கிராமிய விளையாட்டுக்களை, பாடல் வரிகளின் மூலமாகவும், காட்சியமைப்பின் மூலமாகவும் படம்பிடித்துள்ளோம்," என்றார்.
அருண் சிதம்பரம் அமெரிக்காவில் ஐடி துறையில் பணியாற்றியவர். சினிமா மீதுள்ள காதலால் இப்போது அமெரிக்காவிலிருந்து கோலிவுட்டுக்கு திரும்பியுள்ளார் என்பது கூடுதல் செய்தி!