முகப்பு

கிசுகிசுகார்னர்

சென்னை: திருட்டு டி.வி.டி. விற்பனையாகிறது என்றால் நீங்களே கடைகளை சோதனை செய்வீர்களோ. திருட்டு டி.வி.டி.யை தயாரிப்பதே உங்கள் ஆட்கள் தான் என போலீஸ் உயர் அதிகாரிகள் உயர்ந்த நடிகரை விளாசித் தள்ளிவிட்டார்களாம்.

உயர்ந்த நடிகர் திருட்டு டி.வி.டி. விற்கும் கடைகளுக்கு தானே நேரில் சென்று அதிரடியாக பரிசோதனை நடத்தினார். இதற்காக அவரை தளபதி பாராட்டியிருந்தார். இந்நிலையில் போலீஸ் உயர் அதிகாரிகள் உயர்ந்த நடிகரை அழைத்து செம டோஸ் விட்டார்களாம்.

திருட்டி டி.வி.டி. விற்பனையாகிறது என்றால் போலீசாரிடம் புகார் தெரிவித்தால் அவர்கள் நடவடிக்கை எடுப்பார்கள். கடைகளுக்கு சென்று பரிசோதனை செய்யும் அதிகாரம் உங்களுக்கு இல்லை போலீசாருக்கு தான் உண்டு. நீங்கள் அவ்வாறு பரிசோதனைக்கு செல்கையில் சட்டம் ஒழுங்கு பிரச்சனை ஏற்பட்டால் அதற்கு நீங்கள் தான் முழு பொறுப்பு.

என்னமோ திருட்டு டி.வி.டி.யை கண்டுபிடிக்கிறேன் என்று சொல்கிறீர்களே அதை தயாரிப்பதே உங்கள் சினிமா ஆட்கள் தான் என்று போலீசார் நடிகருக்கு டோஸ் விட்டுள்ளனர். மேலும் திருட்டு டி.வி.டி. தயாரிக்கும் சினிமாக்காரர்களின் பெயர்கள் அடங்கிய பெரிய பட்டியலையும் நடிகரிடம் அளித்துள்ளனர். கடைகளுக்கு செல்வது இருக்கட்டும் முதலில் இவர்களை தடுத்து நிறுத்துங்கள் என்று போலீசார் தெரிவித்துள்ளனர்.

பட்டியலை பார்த்த நடிகர் அசந்து போய் என்ன சொல்வது என்று தெரியாமல் விழித்தாராம்.