Don't Miss!
- News புதிய தலைமைச் செயலக முறைகேடு! அரசாணை ரத்து செய்ததை எதிர்த்த அப்பீல் மனு மீது இன்று தீர்ப்பு
- Sports SRH vs MI : கேப்டனாக ஹர்திக் பாண்டிய சறுக்கியது இங்கே தான்.. ரோகித் சர்மா அருமை இப்போ புரியுதா!
- Finance ஆப்பிரிக்காவில் மாஸ்காட்டும் இந்திய நிறுவனங்கள்..TVS எங்க ஊர் பிராண்ட்-ன்னு சண்டை போடுறாங்கப்பா..!!
- Automobiles எந்தவொரு பந்தாவும் இல்ல... பிரபல சீரியல் நடிகையின் புதிய கார்!! சிம்பிளா வந்து டெலிவிரி எடுத்துனு போய்ட்டாரு!
- Technology ஒன்னு ரூ.6,000.. இன்னொன்னு ரூ.7,000.. பட்ஜெட் வாசிகள் காட்டுல மழை.. ரெண்டையுமே கண்ண மூடிக்கிட்டு வாங்கலாம்!
- Lifestyle 2 கப் கோதுமை மாவு இருந்தா போதும்.. பஞ்சு போல இட்லி சுடலாம்.. எப்படின்னு பாருங்க..
- Education ஜேஇஇ பிரதானத் தேர்வெழுதும் அரசு பள்ளி மாணவர்களுக்கு சிறப்புப் பயிற்சி
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
மீரா ஜாக்கிரதை... மீண்டும் சர்ச்சையில் பாபி சிம்ஹா!
சென்னை: மீரா ஜாக்கிரதை என்ற படத்தில் நான் நடிக்கவே இல்லை. ஆனால் என் படத்தைப் போட்டு விளம்பரம் செய்கிறார்கள் என நடிகர் பாபி சிம்ஹா நடிகர் சங்கத்தில் புகார் செய்துள்ளார்.
பாபி சிம்ஹா நடிப்பில் தற்போது வெளியாகி இருக்கும் படம் ‘கோ 2'. இந்தப் படத்துக்கு அடுத்து பாபி சிம்ஹா நடித்த ‘மீரா ஜாக்கிரதை' என்னும் படம் மே 27ம் தேதி வெளியாக இருப்பதாக விளம்பரம் வெளியாகியுள்ளது.
ஆனால் இப்படத்தில் தான் நடிக்கவில்லை என்று கூறியிருக்கிறார். மேலும் இது குறித்து நடிகர் சங்கத்திலும் புகார் அளித்துள்ளார்.
அந்த புகாரில், ‘நான் கடந்த மூன்று வருடங்களாக தென்னிந்த நடிகர் சங்கத்தில் உறுப்பினராக இருக்கிறேன். எனது பதிவு எண் 7871. எனது பெயருக்கு களங்கம் விளைவிக்கும் பொறுட்டு சில நபர்கள் செயல்பட்டு வருகிறார்கள்.
கடந்த சில நாட்களாக தினசரி நாளிதழில் நான் யார் என்று கேள்வி படாத இயக்குனர் மற்றும் தயாரிப்பாளர் பெயரில் ‘மீரா ஜாக்கிரதை' என்னும் படத்தில் நான் நடித்ததாக விளம்பரம் செய்து வருகின்றனர். மேலும் அந்த விளம்பரத்தில் எனது முந்தைய படமான ‘உறுமீன்' படத்தின் ஸ்டில்களை பயன் படுத்துகின்றனர்.
நான் ‘மீரா ஜாக்கிரதை' என்ற படத்தில் நடித்ததும் இல்லை. டப்பிங் பேசியதும் இல்லை. அந்த படத்தின் கதாநாயகியாக கூறப்படும் மோனிகா அவர்களை நேரில் கூட பார்த்ததும் இல்லை. ஆகவே மேற்படி நான் கூறிய தகவல்களுக்கு தக்க நடவடிக்கை எடுத்து எனக்கு ஏற்பட்டுள்ள களங்கத்தை போக்கித்தறும்படி மிகத்தாழ்மையுடன் கேட்டுக்கொள்கிறேன்' என்று கூறப்பட்டுள்ளது.
ஆனால் படத்தை இயக்கியுள்ள கேசவன் மற்றும் அதன் இணை இயக்குமர் மகேஷ் ஆகியோர், இது பாபி சிம்ஹா நடித்த படம்தான் என்று கூறியுள்ளனர்.
இரண்டு வருடங்களுக்கு முன்பு பாபி சிம்ஹா வில்லனாக நடித்த படம் இது என்கிறார்கள் இருவரும்.
பாபி சிம்ஹா இதுபோன்ற சர்ச்சையில் சிக்குவது புதிதல்ல. ஏற்கெனவே சென்னை உங்களை அன்புடன் வரவேற்கிறது படத்தில் நடித்துவிட்டு டப்பிங் பேசாமல் நிறுத்திவிட்டார். அந்தப் படத்தில் நான் நடிக்கவே இல்லை என்றும் கூறினார். பின்னர் வேறு ஒருவரை வைத்து டப் செய்து படத்தை வெளியிட்டது நினைவிருக்கலாம்.