முகப்பு

ஹீரோ

மும்பை: மொஹஞ்தரோ என்ற படத்திற்காக நடிகர் ரித்திக் ரோஷன் தனது கும்மென்ற ஜிம் பாடியே மேலும் டெவலப் செய்ய உள்ளாராம்.

பொதுவாகவே பாலிவுட் நடிகர்கள் ஜிம் பாடி வைத்திருப்பார்கள். அதிலும் ரித்திக் ரோஷன் பெண்களை கவரும் வகையில் கும்மென்று உடலை வைத்திருப்பார். அவர் சட்டையில்லாமல் வரும் காட்சிகளில் அவரை பார்த்து அசரும் ரசிகைகள் ஏராளம். ஆ, ரித்திக் என்னமா உடம்பு வச்சிருக்காரு என்று உருகுவார்கள் ரசிகைகள். இந்நிலையில் அவர் தனது உடலை மேலும் டெவலப் செய்ய உள்ளாராம்.

ரித்திக் மொஹஞ்சதரோ என்ற படத்தில் நடிக்க உள்ளார். அந்த படத்திற்காக தான் அவரது உடம்பை மேலும் கும்மென்று ஆக்க உள்ளார். இதற்காக லண்டனில் உள்ள ஜோஷுவா கைல் பேக்கரை மும்பைக்கு வரவழைக்குமாறு ரித்திக் படத்தின் தயாரிப்பாளரான சுனிதா கோவாரிகரை கேட்டுள்ளார். அவரும் சரி என்று கூறிவிட்டார்.

ஒவ்வொரு படத்திலும் தனது கதாபாத்திரத்திற்கு ஏற்றவாறு தனது உடல் அமைப்பை மாற்றுவார் ரித்திக் ரோஷன் என்பது குறிப்பிடத்தக்கது. மனைவி சூசன் பிரிந்து சென்றதில் இருந்து கவலையில் இருக்கிறார் ரித்திக். அவர் தனது கவலையை வேலை மூலமாக மறக்க முயற்சி செய்கிறார்.