முகப்பு

ஹீரோ

சென்னை: நடிகர் ரஜினிகாந்தின் 64வது பிறந்த நாளையொட்டி அமெரிக்காவின் லாஸ் ஏஞ்சல்ஸில் இருந்து சமூக வலைதளம் மூலம் நடிகர் கமல்ஹாசன் வாழ்த்துத் தெரிவித்துள்ளார்.

திரையுலக சூப்பர் ஸ்டார் ரஜினிகாந்தின் பிறந்த நாள் அவரது ரசிகர்களால் வெகுவிமரிசையாக இன்று கொண்டாடப்பட்டு வருகிறது. அத்துடன் ரஜினி நடித்த லிங்கா திரைப்படமும் வெளியாவதால் அவரது ரசிகர்கள் திருவிழா போல கொண்டாடி வருகின்றனர்.

இதனிடையே ரஜினிகாந்தின் நண்பரான கமல்ஹாசன் அமெரிக்காவின் லாஸ் ஏஞ்சல்ஸ் நகரில் இருந்து சமூக வலைதளம் மூலமாக பிறந்த நாள் வாழ்த்துத் தெரிவித்துள்ளார். கமல் பதிவு செய்து வெளியிட்டுள்ள வீடியோவில் கூறியுள்ளதாவது:

ஹாய் ரஜினி! இனிய 44வது பிறந்த நாள் வாழ்த்துகள்.. லிங்காவின் அபார வெற்றிக்கும் எனது வாழ்த்துகள்.. என்ன இப்படி வாழ்த்து சொல்றீங்கன்னு பார்க்கிறீங்களா..நான் ஊரில் இல்லை.. லாஸ் ஏஞ்சல்ஸில் இருக்கிறேன்.. போன மாசம் நீங்க எனக்குப் போன் பண்ணி 42வது வயசுக்கு பிறந்த நாள் வாழ்த்துகள்னு சொன்னீங்க..

இது பதில் இல்லை.. நம்முடைய நட்பின் வயசு இதுவா இருக்கும்னு நினைக்கிறேன்.. ஊருக்கு வந்தோ அல்லது இங்கேயோ படம் பார்த்துவிடுகிறேன்.. நலமுடனும் மகிழ்ச்சியுடனும் வாழ வாழ்த்துகிறேன்.

இவ்வாறு கமல்ஹாசன் வாழ்த்து தெரிவித்துள்ளார்.