முகப்பு

ஹீரோ

கத்தி படம் பிரமாண்ட வெற்றி பெற்றதாகக் கூறி இன்று படத்துக்கு சக்சஸ் மீட் வைத்துள்ளனர். இதில் மீடியாவைச் சந்திக்கிறார் படத்தின் நாயகன் விஜய்.

பெரும் சர்ச்சை, பரப்புகளைக் கடந்து, தீபாவளிக்கு வெளியானது கத்தி. ஏ ஆர் முருகதாஸ் இயக்கியிருந்தார். லைகா நிறுவனம் தயாரித்திருந்த இந்தப் படம், ஆர்ப்பாட்டங்கள் காரணமாக எந்த நிறுவனத்தின் பெயரும் போடப்படாமல் வெளியானது.

இந்தப் படம் வெளியான முதல் நாளே ரூ 23.85 கோடியைக் குவித்ததாக படத்தின் இயக்குநர் ஏ ஆர் முருகதாஸ் தகவல் வெளியிட்டார்.

இந்த நிலையில் படத்தினை விளம்பரப்படுத்த ஊர் ஊராகப் போய் தியேட்டர்களில் ரசிகர்களைச் சந்தித்து வருகிறார் விஜய்.

தியேட்டர் விஜயம் முடிந்த நிலையில், இன்று மாலை 6 மணிக்கு மீடியாவைச் சந்தித்து படத்தின் வெற்றி குறித்து தன் அனுபவங்கள், தகவல்களைப் பகிர்ந்து கொள்கிறார். இந்த சந்திப்பு சென்னை கிண்டியில் உள்ள நட்சத்திர ஓட்டலில் ஏற்பாடு செய்யப்பட்டுள்ளது!