»   »  உமா ரியாஸ் போட்ட காக்கிச் சட்டையை எடுத்து மாட்டிக் கொண்ட ராய் லட்சுமி!

உமா ரியாஸ் போட்ட காக்கிச் சட்டையை எடுத்து மாட்டிக் கொண்ட ராய் லட்சுமி!

Posted by:
Subscribe to Oneindia Tamil

மும்பை: ஏ.ஆர்.முருகதாஸ் இயக்கத்தில் இந்தியில் உருவாகி வரும் அகிரா படத்தில் ராய் லட்சுமி போலீஸ் கதாபாத்திரத்தில் நடிக்கிறார்.

தமிழில் தீனா, ரமணா, கஜினி, 7-ம் அறிவு, துப்பாக்கி, கத்தி ஆகிய வெற்றிப் படங்களை இயக்கியவர் ஏ.ஆர்.முருகதாஸ். இவர் தனது கஜினி படத்தை ஏற்கனவே இந்தியில் ரீமேக் செய்தார்.

இந்நிலையில், தற்போது தமிழில் அருள்நிதி நடிப்பில் வெளியான 'மவுனகுரு' என்ற தமிழ் படத்தை இந்தியில், 'அகிரா' என்ற பெயரில் படமாக்கி வருகிறார். இதில், அருள்நிதி நடித்த வேடத்தை பெண் கதாபாத்திரமாக மாற்றி, அதில் சோனாக்ஷி சின்ஹாவை நடிக்க வைக்கிறார்.

AR Murugadoss's 'Akira' Has Lakshmi Rai In police Role!

பிரபல இந்தி டைரக்டர் அனுராக் காஷ்யப் இப்படத்தில் வில்லனாக நடிக்கிறார். அனிருத் இசையமைக்கிறார்.

'மவுன குரு' படத்தில் உமா ரியாஸ் நடித்த பெண் போலீஸ் வேடம், ஒரு முக்கியமான கதாபாத்திரம் ஆகும். தற்பொது இந்தி ரீமேக்கில் இந்த வேடத்தில் ராய் லட்சுமி நடிக்கிறாராம். இப்படத்தின் படப்பிடிப்பு மும்பையில் நடந்து வருகிறது.

ராய் லட்சுமி நடிக்கும் முதல் இந்தி படம் இது என்பது குறிப்பிடத்தக்கது.

மங்காத்தா, காஞ்சனா, அரண்மனை ஆகிய படங்களில் நடித்தது போல் 'அகிரா' (இந்தி) படத்திலும் தனக்கு முக்கியமான கதாபாத்திரம் கொடுக்கப்பட்டிருப்பது மகிழ்ச்சியை அளிக்கிறது என ராய் லட்சுமி மகிழ்ச்சியுடன் தெரிவித்துள்ளார்.

English summary
Director AR Murugadoss has given many hits in both Bollywood and Tamil film industry. His next project titled Akira has Sonakshi Sinha in the lead role. Latest buzz is that southern star Rai Lakshmi has been roped in to play a police role in the movie
Please Wait while comments are loading...

Tamil Photos

Go to : More Photos