twitter
    For Quick Alerts
    ALLOW NOTIFICATIONS  
    For Daily Alerts

    அசின் குண்டெல்லாம் ஆகலையாம்… அது வதந்தியாம்

    By Mayura Akilan
    |

    ‘ஆல் இஸ் வெல்' படப்பிடிப்பு தளத்தில் அபிஷேக் பச்சனுடன் நம்ம அசின் டூயட் பாடிக்கொண்டிருக்கிறார். திடீரென்று அசின் குண்டானதால் படமே ட்ராப் ஆனதாக தகவல் பரவியது.

    ஆனால் அது சும்மா வதந்திதான் நான் இப்பவும் பார்பி டால் போல ஒல்லியாகத்தான் இருக்கிறேன் என்று கூப்பிட்டு கூப்பிட்டு சொல்லி வருகிறார் அசின்.

    Asin resumes filming with Abhishek Bachchan

    கஜினியில் திருப்புமுனை

    ஜீவாவினால் உள்ளம் கேட்குமே படத்தில் அறிமுகமான அசினுக்கு தமிழில் முகவரி கொடுத்த படம் ‘எம்.குமரன் சன் ஆப் மகாலட்சுமி'. அவருக்கு திருப்புமுனையை கொடுத்த படம் கஜினி.

    பாலிவுட் பக்கம்

    அதன்பின் பாலிவுட் போனவர் அமீர்கான், சல்மான் கான் என கான்களுடன் நடித்த காரணத்தால் தமிழ் பக்கம் எட்டி கூட பார்க்கவில்லை அசின்.

    Asin resumes filming with Abhishek Bachchan

    காப்பாற்றிய காவலன்

    பாலிவுட் உலகிலும் சரியான வாய்ப்பு இல்லாமல் போகவே காவலன் படம் மூலம் தமிழில் விஜய் உடன் ஜோடி சேர்ந்தார். அந்த படம் வந்தும் மூன்று ஆண்டுகள் ஆகிவிட்டது. அசின் என்ற நடிகையை விளம்பரங்கள் மூலம் மட்டுமே தமிழக ரசிகர்கள் இப்போது அறிந்து கொண்டிருக்கின்றனர்.

    குண்டான அசின்

    இப்போது பாலிவுட்டில் அபிஷேக் பச்சனுடன் ‘ஆல் இஸ் வெல்' என்ற ஒரே ஒரு படத்தில் நடித்து வரும் அசின் அதிகமாக குண்டாகிவிட்டதாக வதந்தி பரவியது.

    அவரது உடல் எடையை காரணம் காட்டி படமே டிராப் செய்யப்பட்டு விட்டதாகவும் கூறப்பட்டது. ஆனால் இதனை படக்குழுவினர் மறுத்துள்ளனர்.

    அமைச்சர் ஸ்மிருதி இரானி

    இப்படத்தின் முக்கிய கதாபாத்திரத்தில் மத்திய அமைச்சர் ஸ்மிரிதி இரானி நடித்து வந்தார். தற்போது, அவர் இந்த படத்தில் இருந்து விலகிக் கொண்டதால், அவருக்கு பதிலாக சுப்ரியா பதக் நடிக்கவுள்ளார். எனவே, அசினும், ஸ்மிரிதி இரானியும் இணைந்து நடித்த காட்சிகள் மீண்டும் படமாக்கப்படவுள்ளன.

    டூயட் பாட்டு

    தற்போது மும்பையில் தொடர்ந்து 2 வாரங்கள் படப்பிடிப்பு நடைபெற உள்ளது. இந்த படப்பிடிப்பில் அபிஷேக் பச்சனும், அசினும் இணைந்து ஆடும் பாடல் ஒன்றை படமாக்கவுள்ளனராம்.

    ஆல் இஸ் வெல்

    ஆல் இஸ் வெல் படத்தின் படப்பிடிப்பு திட்டமிட்டபடி நடந்துகொண்டிருக்கும் போது படப்பிடிப்பு நிறுத்தப்பட்டதாக வந்த செய்திகள் தங்களுக்கு அதிர்ச்சியளிக்கும் விதமாக இருந்ததாக படக்குழுவினர் தெரிவித்தனர்.

    எப்படியோ ஆல் இஸ் வெல் படப்பிடிப்பு நலமாக முடிந்தால் சரிதான்.

    English summary
    Asin has resumed shooting for All Is Well with Abhishek Bachchan, contrary to rumours of the filming being put on hold because she had put on some extra weight. A source from the team says, “The team is currently filming the Mumbai schedule and it will span over the next two weeks.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X