Don't Miss!
- News அரசு புறம்போக்கு நிலம் என கைவிரித்த அதிகாரிகள்.. பட்டா வழங்க மறுப்பு.. ஹைகோர்ட் அதிரடி உத்தரவு
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Lifestyle 18 ஆண்டுகளுக்கு பின் உருவான அங்காரக யோகம்: ஜூன் வரை இந்த 3 ராசிக்காரங்க கவனமா இருக்கணும்...
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Automobiles பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
ரூ.20 கோடி கேட்டு மருந்து நிறுவனம் மீது வழக்கு தொடரும் நடிகை கரீனா கபூர்
மும்பை: தன் பெயரை பயன்படுத்தி உடல் எடை குறப்பு மருந்தை விளம்பரம் செய்யும் நிறுவனத்திடம் ரூ.20 கோடி கேட்டு வழக்கு தொடர முடிவு செய்துள்ளார் பாலிவுட் நடிகை கரீனா கபூர்.
பாலிவுட் நடிகை, நடிகர்கள் பல பொருட்களை விளம்பரம் செய்து அவற்றை மக்களை வாங்கும்படி கூறுகிறார்கள். மக்களும் ஆமீர் கான் கூறிவிட்டார், கரீனா கபூர் பரிந்துரைக்கிறார், ஐஸ்வர்யா ராய் கூறுகிறார் என்று அவர்கள் விளம்பரப்படுத்தும் பொருட்களை வாங்குகிறார்கள்.
இப்படி விளம்பர படங்களில் நடிக்க நடிகர், நடிகைகள் தங்களின் மார்க்கெட்டுக்கு ஏற்ப சம்பளம் பெறுகிறார்கள்.
உடல் எடை குறைப்பு
பாலிவுட் நடிகை கரீனா கபூர் கான் எங்கள் நிறுவன மாத்திரைகளை உட்கொண்டு 13 கிலோ வரை தனது எடையை குறைத்துள்ளார் என்று மருந்து நிறுவனம் ஒன்று விளம்பரம் செய்துள்ளது. இந்த விளம்பரம் தொடர்பான செய்தி இணையதளம் ஒன்றிலும் வெளியாகியுள்ளது.
கரீனா
தனது பெயரை கூறி ஒரு நிறுவனம் விளம்பரம் செய்வது குறித்து கரீனா கபூருக்கு கடந்த வாரம் தான் தெரிய வந்துள்ளது. என்னை ஒப்பந்தம் செய்யாமல் என் பெயரை பயன்படுத்தி பொய்யான விளம்பரம் செய்வதா என்று கரீனா கோபம் கொண்டார்.
வழக்கு
விளம்பரம் குறித்து அறிந்த கரீனா தனது சட்டக் குழுவை அணுகி என்ன செய்வது என்பது பற்றி ஆலோசனை நடத்தினார். இதையடுத்து அவர் அந்த நிறுவனத்திடம் ரூ.20 கோடி கேட்டு வழக்கு தொடர முடிவு செய்துள்ளார். மேலும் விளம்பரம் குறித்த செய்தியை வெளியிட்ட இணையதளத்திற்கு நோட்டீஸ் அனுப்பவும் அவர் தீர்மானித்துள்ளார் என்று கூறப்படுகிறது.
மாத்திரை
கரீனா தனது உடல் எடையை குறைக்க எந்த மாத்திரையும் சாப்பிடவில்லை. அவர் தவறான தகவல்களை பரப்பி தனது ரசிகர்களை ஏமாற்ற மாட்டார் என்று அவரது செய்தித் தொடர்பாளர் தெரிவித்துள்ளார்.