»   »  சூர்யாவுடன் இணையும் நித்யா மேனன்

சூர்யாவுடன் இணையும் நித்யா மேனன்

Posted by:
Subscribe to Oneindia Tamil

சென்னை: யாவரும் நலம் என்ற திகில் படத்தைக் கொடுத்த இயக்குநர் விக்ரம் குமார் தற்போது நடிகர் சூர்யாவை வைத்து 24 என்ற த்ரில்லர் படத்தை இயக்கி வருகிறார்.

அஞ்சான் மற்றும் மாஸ் என அடுத்தடுத்து 2 மாபெரும் தோல்விப் படங்களைக் கொடுத்த நடிகர் சூர்யா, அடுத்து வெற்றிப் படம் கொடுக்க வேண்டும் என்ற முனைப்புடன் இந்தப் படத்தில் தீவிரமாக உழைத்து வருகிறார்.

Nitya Menen to romance Suriya in 24

முதல்முறையாக நடிகர் சூர்யா த்ரில்லர் கதையில் நடிக்கும் இந்தப் படத்தில் சூர்யாவிற்கு ஜோடியாக சமந்தா நடித்து வருகிறார், இந்நிலையில் நடிகை நித்யாமேனனும் இந்தப் படத்தில் நடித்து வருகிறார் என்று தகவல்கள் வெளியாகி உள்ளன.

தற்போது 24 படத்தின் ஷூட்டிங் மும்பையில் நடந்து வருகிறது ஷூட்டிங்கில் கலந்து கொண்ட நித்யாமேனன், ஒரு முக்கியமான வேடத்தில் படத்தில் நடித்து வருகிறார் என்று கூறுகின்றனர்.

கால இயந்திரத்தைப் பற்றிய கதையாக உருவாகும் இந்தப் படத்தில் சூர்யா 2 வேடங்களில் நடித்து வருகிறார், அப்படியென்றால் 2 சூர்யாக்களில் ஒரு சூர்யாவிற்கு ஜோடியாக நித்யா மேனன் நடிக்கிறாரா? என்பது தெரியவில்லை.

சூர்யாவின் தயாரிப்பில் உருவாகி வரும் இந்தப் படத்திற்கு ஏ.ஆர். ரகுமான் இசையமைத்து வருகிறார், தமிழ் மற்றும் தெலுங்கு என 2 மொழிகளிலும் உருவாகி வருகிறது 24.

English summary
Suriya for the first time in upcoming Tamil thriller 24, which also features Samantha Ruth Prabhu. Nitya has been roped in for an important role.
Please Wait while comments are loading...