தாஸு.. உங்க மூளையை மியூசியத்துல தான் வைக்கணும் பாஸு... சோனாக்‌ஷியின் பாராட்டு!

அகிரா...

தமிழில் அருள்நிதி நடித்த மௌனகுரு படத்தைத் தான் இந்தியில் அகிரா என்ற பெயரில் ரீமேக் செய்துள்ளார் ஏ.ஆர்.முருகதாஸ். தமிழில் நாயகனை மையப்படுத்தி திரைக்கதை அமைக்கப்பட்டிருந்தது.

சோனாக்‌ஷி...

ஆனால், இந்தியில் நாயகியை மையப்படுத்தி திரைக்கதையை சற்று மாற்றி இயக்கியுள்ளார் முருகதாஸ். இப்படத்தின் நாயகியாக சோனாக்‌ஷி சின்ஹா நடிக்க வில்லனாக அனுராக் கஷ்யப் நடித்துள்ளார். ராய் லட்சுமி முக்கிய கதாபாத்திரத்தில் நடித்துள்ளார்.

வித்தியாசமான படம்...

இதுவரை தான் நடித்ததிலேயே மிகவும் வித்தியாசமான படம் என அகிராவை சோனாக்‌ஷி பாராட்டியுள்ளார். ஏற்கனவே ஹாலிடே படத்தில் முருகதாஸ் இயக்கத்தில் நடித்துள்ளார் இவர்.

மியூசியத்தில் மூளை...

இந்நிலையில், முருகதாஸின் திறமையைப் பாராட்டும் விதமாக சோனாக்‌ஷி கருத்து ஒன்றைத் தெரிவித்துள்ளார். அதில், ‘முருகதாஸின் மூளையை மியூசியத்தில் வைத்து பாதுகாக்க வேண்டும்' என அவர் கூறியுள்ளார்.