அடுத்த சூப்பர் ஸ்டார் விஜய்தான்- எமி ஜாக்சன் கருத்தால் சர்ச்சை

தனுஷ் வாழ்த்து

தெறி படத்தின் தலைப்பு ரசிகர்களிடையே டுவிட்டர் யுத்தத்தை உருவாக்கியுள்ள நிலையில், தனுஷ் இந்த தலைப்புக்கு பாராட்டும், வாழ்த்தும் தெரிவித்துள்ளார். இந்த நிலையில் தெறி பட நாயகி புது சர்ச்சையை கிளப்பியுள்ளார்.

சூப்பர் ஸ்டார் யுத்தம்

சூப்பர் ஸ்டார் என்றாலே அனைவருக்கும் ரஜினிகாந்த் ஞாபகம்தான் வரும். ஆனால் சில ஆண்டுகளாக அடுத்த சூப்பர் ஸ்டார் யார்? என்பது குறித்து விஜய் மற்றும் அஜித் ரசிகர்கள் சமூக வலைத்தளங்களில் கருத்து தெரிவித்து வருகின்றனர்.

தெறி நாயகி கருத்து

ரசிகர்களின் யுத்தத்திற்கு நடுவே, 'தெறி' படத்தின் நாயகியும் முன்னணி நடிகைகளில் ஒருவருமான எமி ஜாக்சன் தனது டுவிட்டரில் 'விஜய் தான் சூப்பர் ஸ்டார். அவருடன் 'தெறி' படத்தின் படப்பிடிப்பு நடந்து வருகிறது' என்று தெரிவித்துள்ளார்.

வரவேற்பும் எதிர்ப்பும்

புலி படத்தை ஒளிப்பதிவு செய்த நடராஜ், ஏற்கனவே விஜயை, சூப்பர் ஸ்டார் விஜய் என்று அழைத்து பரபரப்பை ஏற்படுத்தினார் இந்தநிலையில் இப்போது தெறி படத்தின் நாயகி விஜயை சூப்பர் ஸ்டார் என்று அழைத்துள்ளார். எமி ஜாக்சனின் இந்த கருத்துக்கு ரஜினி ரசிகர்கள் எதிர்ப்பும், விஜய் ரசிகர்கள் ஆதரவும் டுவிட்டரில் தெரிவித்து வருகின்றனர்.