Don't Miss!
- Lifestyle உங்க பிறந்த தேதியை சொல்லுங்க.. வருகிற ஏப்ரல் மாசம் எப்படி இருக்கும்-ன்னு சொல்றோம்...
- Automobiles சுஸுகி வி-ஸ்டார்ம் 800டிஇ பைக் இந்தியாவில் அறிமுகம்! இந்த பைக்க வாங்குற காசுல 2 மாருதி ஆல்டோ காரை வாங்கிடலாம்!
- News மீண்டும் மீண்டுமா! அரவிந்த் கெஜ்ரிவாலை பதவி நீக்கம் செய்யக்கோரி டெல்லி ஹைகோர்ட்டில் மனுத்தாக்கல்
- Finance TATA Sons நிறுவனத்தில் ஒரேயொரு பங்கு வைத்திருக்கும் மர்ம நபர்? யார் இவர்?! JRD டாடா-வுடன் நெருக்கம்!
- Sports 4,4,6.. உங்க ஸ்பின்னெல்லாம் என்னிடம் எடுபடாது.. கேகேஆர் அணியின் அஸ்திவாரத்தை ஆட்டிய கேமரூன் க்ரீன்!
- Technology கஸ்டமர்களுக்கு வந்த திடீர் மெசேஜ்! சத்தமின்றி BSNL சேவையில் புதிய மாற்றம்.. ஆப்பிற்குள் காத்திருந்த அதிர்ச்சி!
- Travel தமிழ்நாட்டிலேயே பாதுகாப்பான சுற்றுலாத் தலங்கள் இவை தான் – பெண்களாக, குடும்பங்களாக செல்ல ஏற்ற இடங்கள்!
- Education நெட் தேர்வு மதிப்பெண் அடிப்படையில் பிஎச்.டி. படிப்பில் சேரலாம்: யுஜிசியின் புதிய அறிவுறுத்தல
'இன்டர்ஸ்டெல்லாரை' முந்திய 'பிக் ஹீரோ 6': பாக்ஸ் ஆபிஸில் சாதனை
என்னதான் அறிவுஜீவித்தனமாக படம் எடுத்தாலும் ஒரு அனிமேஷன் படம் வந்து அடிச்சிட்டு போயிருச்சேப்பா என்று அங்கலாய்கின்றனர் ஹாலிவுட்காரர்கள்.
கடந்த வாரம் அமெரிக்க பாக்ஸ் ஆபிஸில் பிக் ஹீரோ 6' என்ற அனிமேஷன் திரைப்படம் எதிர்பாராதவிதமாக 'இன்டர்ஸ்டெல்லார்' திரைப்படத்தை முந்தி சாதனை படைத்துள்ளது.
'இன்செப்ஷன்', 'டார்க் நைட் ரைஸஸ்' பட வெற்றிகளைத் தொடர்ந்து, பிரபல ஹாலிவுட் இயக்குநர் கிறிஸ்டோபர் நோலனின் இயக்கத்தில், ரசிகர்களால் அதிகம் எதிர்பார்க்கப்பட்ட 'இன்டர்ஸ்டெல்லார்' கடந்த வெள்ளிக்கிழமை அமெரிக்கா உள்ளிட்ட பல நாடுகளில் ஒரே சமயத்தில் வெளியானது. அதே நாளில் டிஸ்னியின் அனிமேஷன் படைப்பான 'பிக் ஹீரோ 6' படமும் வெளியானது.
பயங்கர போட்டி
முதல் இரண்டு நாட்களில் இந்த இரு படங்களுக்கும் அமெரிக்க பாக்ஸ் ஆபிஸில் கடும் போட்டி நிலவியது. மூன்று நாள் முடிவில், 'பிக் ஹீரோ 6' சில மில்லியன் டாலர்கள் வித்தியாசத்தில் 'இன்டர்ஸ்டெல்லாரை' முந்தியது.
அறிவுஜீவி படம்
விண்வெளிப் படமான இன்ட்டெர்ஸ்டெல்லார் படம் பார்க்க 52% பேர் ஆண்களே வந்துள்ளனர். இப்படம் பார்த்தவர்களில் முக்கால் வாசிப்பேர் 25 வயதுக்கு மேற்பட்டவர்கள். இப்படத்தை ரசிக்க அறிவில் முதிர்ச்சி தேவைப்படுகிறது. மேலும் இப்படம் 169 நிமிடங்கள் ஓடக்கூடிய பெரிய படமும் ஆகும்.
சிறுவர்கள் பெண்கள்
பிக் ஹீரோ 6 படமோ அனிமேஷன் படம் என்பதால் ஆண்கள் தவிர பெண்கள், பதின் வயதினர் மற்றும் சிறுவர்களை அதிகமாக ஈர்த்துள்ளது.
மூன்று நாள் வசூல்
பிக் ஹீரோ6 திரைப்படம் 56.2 மில்லியன் அமெரிக்க டாலர்களை 3 நாட்களில் வசூலித்துள்ளது. 'இண்டர்ஸ்டெல்லார்' சிறிய வித்தியாசத்தில் 52.2 மில்லியன் அமெரிக்க டாலர்களை வசூலித்தது.
சிறுவனும், வெள்ளை எந்திரனும்
டிஸ்னியின் தயாரிப்பான 'பிக் ஹீரோ - 6' இல் சிறுவர்களுடன் ஒரு எந்திரனும் இணைந்து தீயசக்தியை எதிர்ப்பதாக படம் எடுக்கப்பட்டுள்ளது. வெள்ளை நிறத்தில் கொலுக் மொலுக் என குண்டாக இருக்கும் இந்த ரோபோ குதித்தும், நடந்தும், ஓடியும் சண்டை போடும் போது பேசும் வசனங்களை கேட்டும் அநேகம் பேர் ரசிக்கின்றனராம்.
எதிர்பார்க்கவே இல்லைப்பா
'பிக் ஹீரோ 6' தாங்கள் நினைத்ததை விட அதிகமாகவே வசூல் செய்துள்ளதாக டிஸ்னி விநியோகப் பிரிவின் தலைவர் டேவ் ஹாலிஸ் தெரிவித்தார்.
வசூலோ வசூல்
அதே நேரத்தில் 'இன்டர்ஸ்டெல்லார்', ஐமேக்ஸ் திரையரங்குகளில் மட்டும் 13.4 மில்லியன் அமெரிக்க டாலர்களை வசூலித்துள்ளது குறிப்பிடத்தக்கது. இவ்விரு படங்களையும் தொடர்ந்து, கான் கெர்ல், ஓயூஜா, செயிண்ட் வின்சென்ட் போன்றவை வசூல் வரிசையில் உள்ளன.
நம்ம ஊரிலும் நடந்துச்சேப்பா
கமல் நடித்த அபூர்வ சகோதரர்கள் படமும், ராமராஜனின் கரகாட்டக்காரன் ஒரே நேரத்தில் வெளியானபோது கரகாட்டக்காரன் பட்டி தொட்டி எங்கும் பட்டையை கிளப்பியது. அப்போ கமல் சொன்னதுதான் இப்பவும்... இப்படியாகும்னு எதிர்பார்க்கலியேப்பா....