»   »  அமெரிக்காவில் உத்தம வில்லன் இசை வெளியீடு?

அமெரிக்காவில் உத்தம வில்லன் இசை வெளியீடு?

Posted by:
Subscribe to Oneindia Tamil

கமல் நடித்துள்ள உத்தமவில்லன் படத்தின் இசையை அமெரிக்காவில் நடத்தத் திட்டமிட்டுள்ளனர். படத்தை பிப்ரவரி மாதம் திரைக்குக் கொண்டுவருகிறார்கள்.

கமலுடன் ஆன்ட்ரியா, பார்வதி, பூஜா நடித்துள்ள ‘உத்தம வில்லன்' பட வேலைகள் இறுதி கட்டத்தில் உள்ளது. ஜெயராம், இயக்குநர் பாலச்சந்தர் முக்கிய கேரக்டரில் வருகிறார்கள். ரமேஷ் அரவிந்த் இயக்கியுள்ளார்.

படத்தின் இசை வெளியீட்டு விழாவை பிரமாண்டமாக நடத்தத் திட்டமிட்டு உள்ளனர். அமெரிக்காவில் இவ்விழாவை நடத்த ஏற்பாடுகள் நடப்பதாக கூறப்படுகின்றன.

Uthama Villain audio release in US?

இதற்காக நடிகர், நடிகைகள் பலரை அமெரிக்கா அழைத்து செல்ல திட்டமிட்டுள்ளனர். இதுகுறித்து படத்தின் தயாரிப்பாளரான சுபாஷ் சந்திரபோஸ் கூறுகையில், "உத்தம வில்லன் பாடல்கள் வெளியீட்டு விழாவை எங்கே எப்போது நடத்துவது என்று இன்னும் முடிவு செய்யவில்லை.

கமல் சவுண்ட் மிக்சிங் பணிகளுக்காக அமெரிக்கா சென்றுள்ளார். அவர் திரும்பி வந்ததும் முடிவு செய்யப்படும். பாடல்கள் வெளியீட்டு விழா ஜனவரி இரண்டாவது வாரத்தில் நடக்கும். படத்தை பிப்ரவரி மாதம் ரிலீஸ் செய்ய திட்டமிட்டு உள்ளோம்," என்றார்.

English summary
The producers of Kamal's Uthama Villain are planning to release the audio of the movie in US.
Please Wait while comments are loading...

Tamil Photos

Go to : More Photos