Don't Miss!
- Sports அரசியலில் குதிக்க போகும் சானியா மிர்சா.. மக்களுக்கு சேவை செய்ய திட்டம்.. எந்த கட்சி தெரியுமா?
- News நீ ஹெல்ப்பர் கேள்வி கேட்காதே.. அரசு வண்டியில் பீர் குடித்த இபி ஆபிசர்.. மறக்க முடியாத பரிசு..வீடியோ
- Technology டீஸரே மிரளுது.. உலக ரசிகர்களை வியப்படைய செய்த Nothing.. புதுசா 2 ப்ராடக்ட்.. என்னென்ன எதிர்பார்க்கலாம்?
- Lifestyle பழங்கால போட்டோக்களில் யாராவது சிரிச்சு நீங்க பாத்திருக்கீங்களா? பார்த்திருக்க வாய்ப்பேயில்லை... ஏன் தெரியுமா?
- Finance சென்செக்ஸ்: வருடத்தின் கடைசி நாள் ரூ.128.8 லட்சம் கோடி லாபம்.. பண மழையில் முதலீட்டாளர்கள்..!!
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Automobiles மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
தமிழ் சினிமாவின் அல்டிமேட் ஸ்டார் அஜித்! டிவி சேனல் சர்வே ரிசல்ட்
சென்னை: 1990களில் தமிழ் சினிமாவின் சிறந்த நடிகராக விளங்கியவர் யார் மற்றும் யார் உங்கள் அபிமான நடிகர் என்ற இரு கேள்விகளை கொண்டு, பிரபல தமிழ் செய்தி தொலைக்காட்சி ஒன்று நடத்திய கருத்துக் கணிப்பில், அஜித் முதலிடம் பிடித்து அசத்தியுள்ளார். அவருக்கு பெரும் போட்டியாக பார்க்கப்படும், விஜய் ஒரு சர்வேயில் 2வது இடத்தையும், மற்றொன்றில் 3வது இடத்தையும் பிடித்துள்ளார்.
தமிழ் சேனல்
பிரபல தமிழ் செய்தி சேனல் ஒன்று, சமீபத்தில் ஒரு கருத்துக் கணிப்பை நடத்தியது. 1990களில் தமிழ் சினிமாவின் சிறந்த நடிகர் (நடிப்பு, கெட்-அப் சேஞ்ச் உள்ளிட்ட அம்சங்கள்) யார் என்று ஒரு கேள்வியையும், உங்கள் அபிமான நடிகர் யார் என்ற கேள்வியையும், அந்த சேனல், பார்வையாளர்கள் முன் வைத்தது.
பெஸ்ட் நடிகர் அஜித்
இதில் சிறந்த (பெஸ்ட்) நடிகர் யார் என்ற கேள்விக்கு 24 சதவீதம் மக்கள் அஜித் எனவும், 23 சதவீதம் மக்கள் விக்ரம் எனவும் பதிலளித்திருந்தனர். தலா 18 சதவீதம் மக்கள், விஜய் மற்றும் சூர்யாவை தேர்ந்தெடுத்தனர். எனவே அவர்கள் 3வது இடத்தை பகிர்ந்து கொண்டுள்ளனர்.
பிரபுதேவா, அரவிந்த் சாமி
இந்த கருத்துக்கணிப்பில் பிரபுதேவாவுக்கு 6 சதவீத மக்கள் ஆதரவு கிடைத்துள்ளது. எனவே அவர் 4வது இடத்தை பிடித்துள்ளார். 5 சதவீத வாக்குகளுடன் அப்போதைய கனவு கண்ணன், அரவிந்த் சாமி, 6வது இடத்தையும், ஆணழகன் பிரசாந்த் 2 சதவீத வாக்குகளையும் பிடித்தனர். 4 சதவீத மக்கள் பிற நடிகர்கள் என்ற பிரிவுக்கு வாக்களித்திருந்தனர்.
ஃபேவரிட்டும் அஜித்தே
மக்கள் மத்தியில் பிரபலமான (ஃபேவரிட்) நடிகர் யார் என்ற கேள்விக்கு, அஜித் என 30 சதவீதம் மக்களும், விஜய் என 27 சதவீதம் மக்களும் வாக்களித்துள்ளனர். எனவே இதில், விஜய் 2வது இடத்தை பிடித்தார். ஆனால், இரு பிரிவுகளிலுமே, அஜித் முதலிடத்தை தட்டிச் சென்றார்.
சூர்யாவுக்கு 3வது இடம்
பிரபலமான நடிகர்கள் பட்டியலில், சூர்யாவுக்கு 18 சதவீத வாக்குகளும், பிரசாந்த்துக்கு 3 சதவீதம் வாக்குகளும் கிடைத்துள்ளன. பிற நடிகர்கள் என்ற பிரிவுக்கு 6 சதவீதம் மக்கள் வாக்களித்துள்ளனர். இந்த கருத்துக்கணிப்பு முடிவு வெளியானதும், அஜித் ரசிகர்கள், அதை சமூக வலைத்தளங்களில் கொண்டாடினர்.
தல-தளபதி டஃப் ஃபைட்
பிரபல வார இதழ் ஒன்று, நடத்திய கருத்துக்கணிப்பில் நடிகர் விஜய், சூப்பர் ஸ்டார் என தேர்ந்தெடுக்கப்பட்டிருந்தார். ஆனால் சூப்பர் ஸ்டார் பட்டம் பெறுவதற்கான விழாவை நடத்த அனுமதி கிடைக்கவில்லை. எனவே அந்த பட்டத்தை அவர் பெற முடியவில்லை. இந்நிலையில், டிவி கருத்துக்கணிப்பு அஜித்தை முன்னுக்கு நிறுத்தியுள்ளது. தல-தளபதி நடுவே, ரசிகர்களை ஈர்ப்பதில், கடும் போட்டி இருப்பது இக்கருத்து கணிப்புகளின் மூலம் தெரியவருகிறது. அதேநேரம், இது 1990களுக்கான கருத்துக் கணிப்பு என்பதால் விஜய் புகழுக்கு எந்த பின்னடைவும் இல்லை என அவரது ரசிகர்கள் கூறுகின்றனர்.