குட்டி ‘தல’ பேர் தெரியுமா? ஆத்விக் அஜீத் குமார்

அனொஷ்கா அஜீத்

2000ம் ஆண்டு ஏப்.24ம் தேதி இவர்கள் திருமணம் நடைபெற்றது. இவர்களுக்கு 2008ல் மகள் அனொஷ்கா பிறந்தாள்.

ஆண்குழந்தைக்கு தந்தை

இந்நிலையில் ஷாலினி - அஜீத் தம்பதியினருக்கு 6 ஆண்டுகளுக்குப் பின்னர் கடந்த மார்ச் மாதம் குழந்தை பிறந்தது. இம்முறை ஆண்குழந்தைக்கு தந்தையானார் அஜீத்.

பிரசவ அறையில் அஜீத்

முதல் குழந்தை பிறந்தபோது சிசேரியன் சமயத்தில் ஷாலினி உடன் அஜீத் இருந்தார். அதேபோல் இம்முறையும் அவர் உடனிருந்தார். குழந்தை பிறந்ததும், மருத்துவமனை டாக்டர்கள் மற்றும் ஊழியர்களுக்கு இனிப்பு வழங்கினார். திரையுலகை சேர்ந்த பலர், அஜீத்துக்கு போன் மூலம் வாழ்த்து தெரிவித்தனர்.

குட்டி தல ட்ரெண்ட்

நடிகர் அஜித்குமார் - ஷாலினி தம்பதிக்கு மார்ச் 2-ம் தேதி ஆண் குழந்தை பிறந்தது. இதையடுத்து, அந்தத் தம்பதியை வாழ்த்தும் வகையில், அஜித் ரசிகர்கள் உருவாக்கிய #KuttyThala என்ற ஹேஷ்டேக், ட்விட்டரில் ட்ரெண்ட்டானது.

தனித்துவமானவன்

இந்த நிலையில் குழந்தைக்கு ஆத்விக் அஜீத் குமார் என்று பெயர் சூட்டியுள்ளதாக அதிகாரப்பூர்வமாக அறிவிக்கப்பட்டுள்ளது. இதனை அஜீத் ரசிகர்கள் கொண்டாடி வருகின்றனர். ஆத்விக் என்றால் தனித்துவமானவன் என்று அர்த்தமாம்.