முகப்பு

செய்திகள்

கலைப்புலி தாணு தயாரிப்பில் ரஜினி நடிக்கும் புதிய படத்தில், தனது முதல் படமான அட்டகத்தியில் நடித்த தினேஷுக்கு ஒரு முக்கிய வேடம் உருவாக்கியுள்ளாராம் இயக்குநர் ரஞ்சித்.

லிங்காவுக்குப் பிறகு ரஜினி நடிக்கும் இந்தப் புதிய படத்துக்கான தொழில்நுட்பக் குழு, நடிகர்கள் அனைவருமே இயக்குநர் ரஞ்சித்தின் விருப்பத்துக்கேற்ப தேர்வு செய்யப்பட்டுள்ளது. ரஜினி படங்களில் வழக்கமாக இடம்பெறும் யாரும் இந்தப் படத்தில் இல்லை.

படத்தில் ரஜினியுடன் நாயகியாக ராதிகா ஆப்தே நடிப்பார் என்று உறுதிப்படுத்தப்படாத செய்திகள் கூறுகின்றன.

அடுத்து அட்டகத்தி படத்தில் நடித்த தினேஷும் இந்தப் படத்தில் நடிப்பார் என்று செய்தி வெளியானது. இதனை இயக்குநர் ரஞ்சித்தும் உறுதி செய்துள்ளார். ஒரு முக்கியமான வேடத்தில் தினேஷ் நடிப்பது உண்மைதான் என்றும், ஆனால் இன்னும் ஒப்பந்தம் கையெழுத்தாகவில்லை என்றும் அவர் தெரிவித்தார்.