Don't Miss!
- News ஜனநாயக கடமை ஆற்ற முதல் ஆளாக வந்த நடிகர் அஜித்.. 30 நிமிடம் முன்பே வந்து காத்திருந்து ஓட்டு போட்டார்!
- Technology யாரு சாமி நீ.. UPI.. யூடியூப்.. சிங்கிள் சார்ஜில் 6 நாட்கள் பேட்டரி.. புதிய 4ஜி போன் அறிமுகம்.. எந்த மாடல்?
- Sports தம்பி! உனக்கு இது தான் கடைசி வாய்ப்பு.. ரூ.14 கோடி வீரருக்கு நெருக்கடி.. காத்திருக்கும் ஆல்ரவுண்டர்
- Automobiles உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- Lifestyle Today Rasi Palan 19 April 2024: இன்று இந்த ராசிக்காரர்கள் நிலுவையிலுள்ள பணிகளை முடிக்க முயற்சிப்பது நல்லது...
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
டான்.. டான்... டான்... ரஜினி வழியில் ‘கபாலி’ ஆகும் கமல் அண்ணன்!
சென்னை: தேசிய விருது பெற்ற நடிகரும், நடிகர் கமலின் சகோதருமான சாருஹாசன் நீண்ட இடைவேளைக்குப் பின்னர் புதிய படமொன்றில் டான் கதாபாத்திரத்தில் நடிக்க இருப்பதாக தகவல்கள் வெளியாகியுள்ளது.
நடிகை சுஹாசினி மணிரத்னத்தின் தந்தையும், நடிகர் கமலின் சகோதருமான சாருஹாசன் மிகச் சிறந்த குணச்சித்திர நடிகர் ஆவார். தேர்ந்தெடுத்த வேடங்களில் மட்டுமே நடித்துள்ள சாருஹாசன், தாபரண கதா என்ற கன்னட படத்திற்காக தேசிய மற்றும் மாநில அரசு விருதுகளைப் பெற்றுள்ளார்.
இது தவிர குபி மாட்டு இயலா -என்ற கன்னட படத்தில் நடித்தமைக்காக சிறந்த நடிகருக்கான கர்நாடக அரசின் விருதும் பெற்றிருக்கிறார். தற்போது 85 வயதாகும் சாருஹாசன், சமீபகாலமாக சினிமாவில் இருந்து விலகி இருக்கிறார்.
இந்நிலையில், புதிய படமொன்றில் அவர் நடிக்க இருப்பதாகக் கூறப்படுகிறது. அறிமுக இயக்குநர் விஜய்ஸ்ரீ இயக்கும் இப்படத்தில் சாருஹாசனுக்கு டான் வேடமாம். சமீபத்தில் சாருஹாசனை சந்தித்து விஜய் கதை சொல்லியுள்ளாராம்.
முதலில் இந்தக் கதாபாத்திரத்தில் நடிக்க சாருஹாசன் தயங்கியதாகவும், ஆனால் அந்த கேரக்டரை உங்களை மனதில் வைத்து தான் எழுதினேன் என விஜய் அவரை சம்மதிக்க வைத்ததாகவும் கூறப்படுகிறது.
இந்த படத்தின் டேக்லைன் 'நோ பவுடர் நோ மேக்கப்' என்பது தானாம். அதாவது இந்த படத்தில் நடிக்கும் சாருஹாசன் உள்பட எந்த நடிகருக்கும் மேக்கப் என்ற சமாச்சாரமே இல்லையாம்.
ராஜா ஒளிப்பதிவு செய்யும் இந்த படத்திற்கு பிரகாஷ் நிக்கி இசையமைக்கின்றார். இப்படத்தில் நடிக்கும் மற்ற நடிகர், நடிகைகள் குறித்து விரைவில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.
நடிகர் ரஜினிகாந்த் வயதான டான் வேடத்தில் நடித்த 'கபாலி' படம் கடந்த மாதம் வெளியாகி உலகம் முழுவதும் நல்ல வசூலைத் தந்து வருகிறது. இந்நிலையில் இதே போன்ற கேரக்டரில் சாருஹாசனும் நடிக்க இருப்பது எதிர்பார்ப்பை ஏற்படுத்தியுள்ளது.
"டண்டணக்கா டான்" ஆக கதை இல்லாமல் இருந்தால் சரிதான்.