முகப்பு

செய்திகள்

சென்னை: தன்னை சூப்பர் ஸ்டார் ரஜினிகாந்துடன் ஒப்பிட்டுப் பார்க்க வேண்டாம் என தனுஷ் தெரிவித்துள்ளார்.

தனுஷ், அமிதாப் பச்சன், அக்ஷரா ஹாஸன் நடித்துள்ள ஷமிதாப் படம் நாளை ரிலீஸாக உள்ளது. இந்த படத்தில் தனுஷ் பஸ் கண்டக்டராக இருந்து திரை உலகில் சூப்பர் ஸ்டாராக ஆகிறார். பேச முடியாவிட்டாலும் சினிமாவில் சாதிக்கிறார்.

இந்நிலையில் தனுஷ் செய்தியாளர்களிடம் கூறுகையில்,

என்னை சூப்பர் ஸ்டார் ரஜினிகாந்துடன் ஒப்பிடாதீர்கள். ரஜினிகாந்த் சாதித்ததில் நான் ஒரு சதவீதம் கூட சாதிக்கவில்லை. அதனால் அவருடன் என்னை ஒப்பிட்டுப் பார்க்க எந்தவித காரணமும் இல்லை. ரஜினி ஒரு கிங், அவர் ஒரு கடவுள். அவர் தான் எப்பொழுதும் சிறந்தவர் என்று தெரிவித்துள்ளார்.

தனுஷ் நடிப்பில் இந்த மாதம் ஷமிதாப் மற்றும் அனேகன் ஆகிய படங்கள் ரிலீஸாகின்றன. மேலும் அவர் தயாரித்துள்ள காக்கிச்சட்டை படமும் இம்மாதம் ரிலீஸ் ஆகிறது என்பது குறிப்பிடத்தக்கது.