முகப்பு

செய்திகள்

சென்னை: அஜீத் ரசிகர்கள் புத்தாண்டு அன்று தங்கள் 'தல'க்கு சர்பிரைஸ் கொடுக்க திட்டமிட்டுள்ளனர்.

கௌதம் மேனன் இயக்கத்தில் அஜீத் முதன்முறையாக நடித்துள்ள என்னை அறிந்தால் படத்தின் பாடல்கள் மற்றும் ட்ரெய்லர் நாளை மறுநாள் நள்ளிரவில் எளிமையான முறையில் வெளியிடப்படுகிறது. இது தல ரசிகர்களுக்கு அளிக்கப்படும் புத்தாண்டு பரிசாகும். அந்த பரிசை ரசிகர்களும் ஆவலுடன் எதிர்பார்த்துக் கொண்டிருக்கிறார்கள்.

இந்நிலையில் ரசிகர்கள் அஜீத்துக்கு புத்தாண்டு அன்று சர்பிரைஸ் கொடுக்க திட்டமிட்டுள்ளனர். அதாவது புத்தாண்டு அன்று சென்னையில் உள்ள ரிட்சி தெருவில் என்னை அறிந்தால் இசை வெளியீட்டு விழாவை பிரமாண்டமாக நடத்த உள்ளனர். இந்த நிகழ்ச்சியில் அஜீத் ரசிகர்கள் ஏராளமானோர் கலந்து கொள்கிறார்கள்.

நிகழ்ச்சியில் பட்டாசு வெடித்து, கேக் வெட்டி கொண்டாட உள்ளனர். மேலும் இதே போன்று மாநிலத்தின் பல்வேறு பகுதிகளிலும் நிகழ்ச்சிகள் நடத்தி அசத்த ரசிகர்கள் திட்டமிட்டுள்ளனர்.

பொங்கலுக்கு ரிலீஸாகும் என்னை அறிந்தால் படத்தின் டீஸரே யூடியூப்பில் புதிய சாதனை படைத்தது. இந்நிலையில் தான் ட்ரெய்லர் புத்தாண்டு ஸ்பெஷலாக ரிலீஸாக உள்ளது என்பது குறிப்பிடத்தக்கது.