»   »  காக்கா முட்டை சிறுவர்கள் மற்றும் குடும்பத்தை தத்தெடுத்தது ஃபாக்ஸ் ஸ்டார் நிறுவனம்!

காக்கா முட்டை சிறுவர்கள் மற்றும் குடும்பத்தை தத்தெடுத்தது ஃபாக்ஸ் ஸ்டார் நிறுவனம்!

Posted by:
Subscribe to Oneindia Tamil

காக்கா முட்டை படத்தில் நடித்த விக்னேஷ், ரமேஷ் குடும்பத்தை அப்படத்தின் தயாரிப்பாளர்களான பாக்ஸ் ஸ்டார் நிறுவனம் தத்தெடுத்துள்ளது.

நடிகர் தனுஷ், வெற்றிமாறனுடன் இணைந்து பாக்ஸ் ஸ்டார் ஸ்டூடியோஸ் தயாரித்து வெளியிட்ட, ‘காக்கா முட்டை' படம் பெரும் வெற்றியைப் பெற்றுள்ளது. இன்னும் வசூல் குவிந்து வருகிறது.

Fox Star adopted the family of Kakka Muttai boys

எம்.மணிகண்டன் இயக்கிய இந்த படம் பல விருதுகளையும் அள்ளிக் குவித்தது. இந்த படத்தில் நடித்திருந்த சிறுவர்கள் விக்னேஷ், ரமேஷ் இருவருக்கும் தேசிய விருது கிடைத்தது.

இந்த படத்தின் வெற்றியை அடுத்து, இந்த சிறுவர்களின் கல்விக்கான செலவுகளை தனுஷ், வெற்றிமாறன் ஏற்றனர். இப்போது விக்னேஷ், ரமேஷ் குடும்பம் மற்றும் அவர்களின் எதிர்காலத்துக்கான அனைத்து செலவுகளையும் பாக்ஸ் ஸ்டார் ஸ்டூடியோஸ் ஏற்றுக்கொண்டுள்ளது.

இதனை பாக்ஸ் ஸ்டார் ஸ்டூடியோஸ் நிறுவனத்தின் தலைமை செயல் அதிகாரி விஜய் சிங் தெரிவித்துள்ளார்.

இதற்கான நிகழ்ச்சியில் பங்கேற்ற நடிகர் தனுஷ் கூறுகையில், ‘'விக்னேஷ், ரமேஷ் குடும்பம் மற்றும் அவர்களின் எதிர்காலத்துக்கு தேவையான உதவிகளை பாக்ஸ் ஸ்டார் ஸ்டூடியோஸ் ஏற்றுள்ளது. ‘காக்கா முட்டை' போன்ற தரமான படங்களை தொடர்ந்து தயாரிக்க எங்கள் நிறுவனம் முயற்சிக்கும்," என்றார்.

English summary
Fox Star Studios, the producers Kakka Muttai has adopted the family of the boys Vignesh, Ramesh who starring in the movie.
Please Wait while comments are loading...