முகப்பு

செய்திகள்

கபாலி படத்தின் இயக்குநர் பா ரஞ்சித்தின் குடும்பத்தினர் இன்று படத்தின் நாயகன் ரஜினிகாந்தைச் சந்தித்தனர்.

கலைப்புலி தாணு தயாரிப்பில் ரஜினி நடித்து வரும் படம் கபாலி. படத்தின் இறுதிக்கட்டப் படப்பிடிப்பு வேகமாக நடந்து வருகிறது.

இம்மாத இறுதிக்குள் படப்பிடிப்பு நிறைவடையும் எனத் தெரிகிறது. படப்பிடிப்பு நடக்கும் இடைத்தை அறிந்து, அங்கு சென்று ரஜினியைச் சந்தித்து வருகின்றனர் ஏராளமான ரசிகர்கள்.

இந்த நிலையில் படத்தின் இயக்குநர் ரஞ்சித்தின் குடும்பத்தினருக்கு ரஜினியைச் சந்தித்து படமெடுத்துக் கொள்ள வேண்டும் என நீண்ட நாளாகக் கேட்டு வந்தனராம். இத்தகவலை அறிந்த ரஜினி அவர்களை இன்று படப்பிடிப்பு தளத்துக்கு வரச் சொன்னார். அனைவருடனும் படமெடுத்துக் கொண்டு, நலம் விசாரித்து அனுப்பி வைத்தார்.

ரஜினி ஒரே நேரத்தில் ஷங்கரின் 2.ஓ படப்பிடிப்பிலும், கபாலி படப்பிடிப்பிலும் பங்கேற்று வருவது குறிப்பிடத்தக்கது.