»   »  ஸ்ருதிக்கு அப்பா கமல் கொடுத்த வித்தியாசமான பிறந்தநாள் பரிசு

ஸ்ருதிக்கு அப்பா கமல் கொடுத்த வித்தியாசமான பிறந்தநாள் பரிசு

Posted by:
Subscribe to Oneindia Tamil

சென்னை: உலக நாயகன் கமல் ஹாஸன் தனது மகள் ஸ்ருதிக்கு பிறந்தநாள் பரிசாக திரைக்கதை எழுத உதவும் சாப்ட்வேரை பரிசாக அளித்துள்ளார்.

ஸ்ருதி ஹாஸன் கடந்த 28ம் தேதி தனது 29வது பிறந்தநாளை கொண்டாடினார். அவருக்கு திரை உலக பிரபலங்கள் பலர் வாழ்த்து தெரிவித்திருந்தனர். இந்நிலையில் ஸ்ருதிக்கு அவருடைய அப்பா உலக நாயகன் கமல் ஹாஸன் அளித்த பிறந்தநாள் பரிசு பற்றிய விவரம் தெரிய வந்துள்ளது.

Kamal's birthday gift to Shruti Haasan

கமல் தன்னுடயை மகளுக்கு உடையோ, மேக்கப் பொருட்களோ, செல்போனோ பரிசாக அளிக்கவில்லை. மாறாக திரைக்கதை எழுத உதவும் சாப்ட்வேரை பரிசாக அளித்துள்ளார். ஸ்ருதி விரைவில் குறும்படங்கள் எடுக்க திட்டமிட்டுள்ளார். இந்த நிலையில் தான் கமல் ஸ்ருதிக்கு இந்த சாப்ட்வேரை பரிசளித்துள்ளார்.

இது குறித்து ஸ்ருதி கூறுகையில்,

நான் 15 வயதில் இருந்தே சிறுகதைகள், கவிதைகள், பாடல்கள் எழுதி வருகிறேன். ஆனால் என் படைப்புகளை ஒரு சிலரே படித்து பார்த்துள்ளனர். தற்போது நான் என் படைப்புகளை வெளியிட முடிவு செய்துள்ளேன். குறும்படங்களுக்கு திரைக்கதை எழுத உள்ளேன்.

வெளிநாட்டுப் படங்கள் மற்றும் டிவி நிகழ்ச்சிகளை பார்க்குமாறு என் தந்தை அறிவுரை வழங்கினார். நானும் அவர் கூறியபடியே செய்கிறேன் என்றார்.

English summary
Kamal Haasan has gifted Shruti Haasan a script writing software on her birthday.
Please Wait while comments are loading...