» 

கமலின் விஸ்வரூபம் மே மாதம் வெளியாகிறது?

Posted by:
 

சென்னை: கமல் ஹாஸனின் விஸ்வரூபம் 2 படம் வரும் மே முதல் வாரம் வெளியாகும் எனத் தெரிகிறது.

கடந்த ஆண்டே இந்தப் படம் வெளியாகும் என எதிர்ப்பார்க்கப்பட்டது. ஆனால் பல்வேறு காரணங்களால் படத்தின் வெளியீடு தள்ளிக் கொண்டே போனது.

இந்த நிலையில் இந்தப் பொங்கலுக்கு படம் நிச்சயம் என கமலும் தெரிவித்திருந்தார். ஆனால் வீரம், ஜில்லா படங்கள் பொங்கலை பங்கு போட்டுக் கொண்டன.

vishwaroopam

வரும் ஏப்ரல் 14-ம் தேதியையொட்டி படத்தை வெளியிடலாம் என யோசித்துபோது, தன் நண்பர் ரஜினியின் கோச்சடையான் அதே தேதியில் வெளியாவது தெரிய வந்தது.

எனவே, போட்டியின்றி வரும் மே மாதம் முதல் வாரம் அல்லது இரண்டாம் வாரத்தில் படத்தை வெளியிட கமல்ஹாஸன் முடிவு செய்துள்ளார்.

அதன்படி மே 9-ம் தேதி வெள்ளிக்கிழமை விஸ்வரூபம் 2 உலகமெங்கும் வெளியாகிறது. இந்தி, தெலுங்கிலும் இந்தப் படம் வெளியாகிறது.

விஸ்வரூபம் 2 படத்தில் கமல்ஹாஸன், பூஜா குமார், ஆன்ட்ரியா உள்பட பலரும் நடித்துள்ளனர். ஜிப்ரான் இசையமைத்துள்ளார். ஆஸ்கர் ரவிச்சந்திரன் தயாரித்துள்ளார். கமல் ஹாஸன் எழுதி, இயக்கி, நடித்துள்ளார்.

Read more about: kamal hassan, vishwaroopam, கமல், விஸ்வரூபம்
English summary
Kamal Hassan's Vishwaroopam is going to release on May 9th worldwide.

Tamil Photos

Go to : More Photos