»   »  கொம்பன் படம் பார்க்க லேட்டாக வந்த கிருஷ்ணசாமி.. கோபத்தில் கிளம்பிப் போன நீதிபதிகள்!

கொம்பன் படம் பார்க்க லேட்டாக வந்த கிருஷ்ணசாமி.. கோபத்தில் கிளம்பிப் போன நீதிபதிகள்!

Posted by:
Subscribe to Oneindia Tamil

சென்னை: நீதிமன்ற உத்தரவின்படி கொம்பன் படத்தைப் பார்த்து கருத்து சொல்ல வந்த நீதிபதிகளைப் படம் பார்க்க விடாமல் டாக்டர் கிருஷ்ணசாமி மற்றும் அவரது ஆட்கள் தொந்தரவு செய்ததால் படத்தைப் பார்க்காமலேயே நீதிபதிகள் கோபமாகக் கிளம்பிவிட்டனர்.

இப்போது மாலையில் மீண்டும் அவர்களுக்கு படம் திரையிடப்படுகிறது. அவர்களுடன் கிருஷ்ணசாமியும் படம் பார்க்கிறார்.

Krishnasamy disturbed Judges during Komban screening

கொம்பன் படம் சாதி மோதல்களைத் தூண்டும் விதத்தில் உள்ளதாகக் கூறி அப்படத்துக்கு தடை கோரி வருகிறார் புதிய தமிழகம் தலைவர் கிருஷ்ணசாமி. அவருக்கு சில அமைப்புகளும் ஆதரவு தெரிவித்துள்ளன.

இந்த நிலையில் படத்துக்கு தடை கோரி அவர் தொடர்ந்த வழக்கை விசாரித்த நீதிபதி, படத்தை கிருஷ்ணசாமி, இரண்டு ஓய்வு பெற்ற நீதிபதிகள் குழு பார்த்து கருத்து தெரிவித்த பிறகே தீர்ப்பளிப்பதாகக் கூறிவிட்டார்.

அதைத் தொடர்ந்து மதுரையிலிருந்து இரு நீதிபதிகள் விமானம் மூலம் இன்று காலை சென்னை வந்தனர்.

நுங்கம்பாக்கம் ஃபோர் பிரேம்ஸ் அரங்கில் படம் 7 மணிக்கே திரையிடப்பட்டது. அப்போது கிருஷ்ணசாமி வரவில்லை. ஒரு மணிநேரம் கழித்துதான் வந்தாராம்.

இதுகுறித்து படத்தின் தயாரிப்பாளர் ஞானவேல் ராஜா இன்று செய்தியாளர்களிடம் கூறுகையில், "ஒரு மணி நேரம் தாமதமாக வந்த கிருஷ்ணசாமி, மீண்டும் முதலிலிருந்துதான் படம் பார்ப்பேன் என அடம் பிடித்தார். அதுமட்டுமல்ல, இந்தக் காட்சி என்ன.. அதன் ஸ்கிரிப்டைக் கொடுங்கள் என்றெல்லாம் கேட்டு தொந்தரவு செய்தார். இதனால் படம் பார்க்க வந்த நீதிபதிகள் கோபமடைந்து படம் பார்க்காமலேயே சென்றனர்," என்றார்.

இந்த நிலையில் மீண்டும் இன்று மாலை நீதிபதிகள் படம் பார்க்கப் போவதாகவும், அவர்களுடன் கிருஷ்ணசாமி உள்ளிட்டோரும் படம் பார்ப்பார்கள் என்றும் அவர் தெரிவித்தார்.

English summary
Kombaan producer Gnanavel Raja alleged that Puthiya Tamizhagam leader Krishnasamy has disturbed the judges during watching Komban.
Please Wait while comments are loading...

Tamil Photos

Go to : More Photos