முகப்பு

செய்திகள்

ரஜினிகாந்த் நடிப்பில் பெரும் எதிர்ப்பார்ப்பைக் கிளப்பியிருக்கும் லிங்கா படத்தின் முதல் டீசர் எனப்படும் முன்னோட்ட வீடியோ இன்று மாலை வெளியாகிறது.

இதனை படக் குழுவினர் அதிகாரப்பூர்வமாக அறிவித்துள்ளனர்.

ரஜினி இரட்டை வேடங்களில் நடிக்க, அவருக்கு ஜோடியாக சோனாக்ஷி சின்ஹா, அனுஷ்கா ஆகியோர் நடித்துள்ள படம் லிங்கா. கே எஸ் ரவிக்குமார் இயக்க, ஏ ஆர் ரஹ்மான் இசையமைத்துள்ளார்.

படத்தின் மூன்று போஸ்டர்கள் வெளியாகி ரசிகர்களின் எதிர்ப்பார்ப்புகளை எகிற வைத்துள்ளன. படு இளமைத் துள்ளலுடன் ஸ்டைலாக இந்த போஸ்டர்களில் காட்சி தருகிறார் ரஜினி.

மூன்று முகத்தில் வந்த அலெக்ஸ் பாண்டியன் மாதிரியே இருக்கிறாரே என்று ரசிகர்கள் கொண்டாடுகிறார்கள் இந்த போஸ்டரை.

இந்த நிலையில் படத்தின் முதல் டீசர் இன்று மாலை வெளியாகும் என்று அதிகாரப்பூர்வமாக அறிவிக்கப்பட்டுள்ளது.