» 

மருமகள் நடத்திய பேஷன் ஷோவில் மத்திய அமைச்சர் மு.க.அழகிரி

Posted by:
 

மருமகள் நடத்திய பேஷன் ஷோவில் மத்திய அமைச்சர் மு.க.அழகிரி
ஊனமுற்ற குழந்தைகளுக்காக நிதி திரட்ட தன் மருமகள் அனுஷா நடத்திய பேஷன் ஷோவை மனைவி காந்தியுடன் வந்து பார்த்தார் மத்திய அமைச்சர் முக அழகிரி.

ஊனமுற்ற குழந்தைகளுக்கு நிதி திரட்ட நடிகர்-நடிகைகளின் ஆடை அலங்கார அணி வகுப்பு நிகழ்ச்சி கிண்டி லீமெரிடியன் ஓட்டலில் நடந்தது. தயாரிப்பாளர் தயாநிதி அழகிரியின் மனைவி அனுஷா 'நெபர்டரி' அமைப்பு மூலம் இந்த நிகழ்ச்சிகளுக்கான ஏற்பாடுகளை செய்து இருந்தார்.

நடிகர்-நடிகைகள் கண்கவரும் உடையுடன் மேடையில் தோன்றினர். மாடல் அழகிகளும் அணி வகுத்தார்கள் நடிகர்கள் ஆர்யா, ஜீவா, சித்தார்த், மகத், ஷர்வானந்த் ஆகியோர் விதவிதமான தோற்றங்களில் தோன்றினர்.

ஒருகல் ஒரு கண்ணாடி என்ற ஒரே படத்தின் மூலம் டாப் ஹீரோக்களுக்கு இணையாக உயர்ந்துள்ள உதயநிதி ஸ்டாலின் தன் மனைவி கிருத்திகாவுடன் நிகழ்ச்சிக்கு வந்திருந்தார்.

நடிகைகள் சோனியா அகர்வால், பார்வதி ஒமனகுட்டன், டாப்சி, பூஜா ஹெக்டே, இந்தி நடிகை நர்கிஸ் ஆகியோர் கவர்ச்சி ஆடைகளில் அணிவகுத்து ரசிகர்கள் கவர்ந்தனர்.

சோனியா அகர்வாலும் அணி வகுப்பில் பங்கேற்றார். மத்திய ரசாயனம் மற்றும் உரத்துறை அமைச்சர் மு.க. அழகிரி, அவர் மனைவி காந்தி அழகிரி, இயக்குநர் கேஎஸ் ரவிக்குமார் உள்பட பலரும் திரளாகக் கலந்து கொண்டனர்.

Topics: azhagiri, fashion show, அழகிரி, பேஷன் ஷோ
English summary
Union Minister M K Azhagiri visited a fashion show arranged by his daughter in law Anusha for raising fund to the welfare of physically challenged children.

Tamil Photos

Go to : More Photos