முகப்பு

செய்திகள்

லாரன்ஸ் இயக்கி நடித்த முனி படம் சுமாராகப் போனாலும், அதன் அடுத்த பகுதியான காஞ்சனா பெரும் வரவேற்பைப் பெற்றது. சிறுவர், பெரியவர் என அனைவருமே ரசித்து மகிழ்ந்த படம் அது.

இப்போது அதன் தொடர்ச்சியாக மூன்றாவது பாகத்தை இயக்குகிறார் லாரன்ஸ்.

இந்தப் படத்துக்கு முதலில் 'முனி 3 கங்கா' என்று பொதுவாக பெயர் சூட்டப்பட்டது.

ஆனால் தற்போது இப்படத்தின் தலைப்பை காஞ்சனா-2 ஆக மாற்றி விட்டதாக கூறப்படுகிறது.

அதிக பொருட்செலவில் திகில் படமாக தயாராகியுள்ள இப்படத்தை காஞ்சனா போலவே வித்தியாசமான மிரட்டலான படமாக உருவாக்கியிருக்கிறார்களாம். ஆதலால் இப்படத்தின் தலைப்பை மாற்றியிருப்பதாக கூறப்படுகிறது.

இப்படத்திலும் லாரன்சே நாயகனாக நடித்து இயக்குகிறார். இதில் நாயகிகளாக டாப்ஸி, நித்யா மேனன் நடிக்கின்றனர். ஸ்ரீமன், கோவை சரளா ஆகியோரும் முக்கிய கேரக்டரில் வருகிறார்கள்.

முதல் இரு பாகங்களிலும் முறையே வேதிகா மற்றும் லட்சுமி ராய் நாயகிகளாக நடித்தனர்.

ஏப்ரல் மாதம் கோடை ஸ்பெஷலாக இப்படம் வெளியாகவுள்ளது. தேனாண்டாள் பிலிம்ஸ் இப்படத்தை வெளியிடுகிறது.