முகப்பு

செய்திகள்

மும்பை: பாலிவுட் நடிகை அனுஷ்கா சர்மா போன்றே இந்தி நடிகர் பர்ஹான் அக்தரும் அப்துல் கலாமின் பெயரை ட்விட்டரில் தவறாக போட்டுள்ளார்.

முன்னாள் குடியரசுத் தலைவர் அப்துல் கலாமின் மறைவு செய்தியை அறிந்த பாலிவுட் நடிகை அனுஷ்கா சர்மா ட்விட்டரில் தனது இரங்கலை தெரிவித்தார். அப்போது அவர் கலாமின் பெயரை ஏபிஜெ அப்துல் கலாம் ஆசாத் என்று தவறாக தெரிவித்திருந்தார். இதை பார்த்தவர்கள் அவரை ட்விட்டரில் கிண்டல் செய்தனர். உடனே அவர் தனது ட்வீட்டில் இருந்து ஆசாத்தை நீக்கிவிட்டார்.

அனுஷ்கா மட்டும் அல்ல பாலிவுட் நடிகர் பர்ஹான் அக்தரும் ட்விட்டரில் கலாமின் பெயரை ஏபிஜெ அப்துல் கலாம் ஆசாத் என்று தவறுதலாக தான் குறிப்பிட்டிருந்தார். ஆனால் அவரை யாரும் கண்டுகொள்ளவில்லை.

இதற்கிடையே மக்கள் அனுஷ்காவை கிண்டல் செய்வதை பார்த்த பர்ஹான் தனது ட்வீட்டில் திருத்தம் செய்து அப்துல் கலாம் என்று பெயரை மாற்றிவிட்டார். நல்லவேளை நான் சிக்கவில்லை என்று மனிதர் நிம்மதி பெருமூச்சுவிட்டிருப்பார்.

அனுஷ்கா தனது தவறை ஒப்புக் கொண்டதுடன் தன்னை யார் கிண்டல் செய்தாலும் கவலை இல்லை என்று தெரிவித்துள்ளார் என்பது குறிப்பிடத்தக்கது.