முகப்பு

செய்திகள்

விஜய் நடித்த புலி படத்தின் முதல் டீசர் எனும் சிறுபட முன்னோட்டக் காட்சியை 1 மில்லியன் பேர் பார்த்து ரசித்துள்ளனர்.

விஜய் நடிப்பில் சிம்பு தேவன் இயக்கத்தில், விரைவில் வெளிவரவிருக்கும் புதிய படம் ‘புலி'. ஸ்ருதிஹாசன், ஹன்சிகா, ஸ்ரீதேவி, நான் ஈ சுதீப் உள்ளிட்டோர் நடித்துள்ளனர். தேவிஸ்ரீ பிரசாத் இசையமைத்துள்ளார்.

இப்படத்தின் படப்பிடிப்பு முடிவடைந்து தற்போது இறுதிக்கட்ட பணிகள் விறுவிறுப்பாக நடைபெற்று வருகிறது. இந்நிலையில், விஜய் பிறந்தநாளையொட்டி இப்படத்தின் பர்ஸ்ட் லுக் போஸ்டரும், டீசரும் வெளியிடப்பட்டது.

நேற்று முந்தைய தினம் படத்தின் பர்ஸ்ட் லுக் போஸ்டர் வெளியானது. நேற்று டீசர் வெளியானது. யுடியூப் இணையதளத்தில் வெளியிடப்பட்ட டீசரை ஒரே நாளில் 1 மில்லியனுக்கும் அதிகமானோர் பார்த்துள்ளனர்.

படத்தின் ஆடியோ விரைவில் வெளியாக உள்ளது. விநாயகர் சதுர்த்தி அல்லது விஜயதசமிக்கு இந்தப் படம் வெளியாகும் எனத் தெரிகிறது.