முகப்பு

செய்திகள்

சென்னை: ஏப்ரல் 12-ம் தேதியிருந்து ஒரு வாரத்துக்கு கோடம்பாக்கமே திருவிழா கோலத்துக்கு மாறிவிடும் என்பது சர்வ நிச்சயம்.

காரணம்... 6 நாட்கள் தொடர்ச்சியாக தனது ரசிகர்களைச் சந்திக்கிறார் நடிகர் ரஜினிகாந்த். இதுவரை இப்படியொரு சந்திப்பை அவர் நடத்தியதில்லை.

இந்த சந்திப்பு குறித்த ஆலோசனைக் கூட்டம் நேற்று ராகவேந்திரா மண்டபத்தில் நடந்தது. இந்த சந்திப்பின்போது ரஜினி - ரசிகர் சந்திப்பு எப்படி நடக்கும் என்பதை விவரித்துள்ளனர்.

அதன்படி, ஒரு நாளைக்கு 2000 ரசிகர்கள் வரை ரஜினிகாந்த் சந்திக்கிறார், படமெடுத்துக் கொள்கிறார்.

மொத்தம் 6 நாட்களே தொடர்ச்சியாக சந்திக்கவிருக்கிறார் ரஜினி. இதன் மூலம் 10 ஆயிரம் பேர்களுக்கு மேல் ரஜினியுடன் படமெடுத்துக் கொள்ள வாய்ப்பு கிடைத்துள்ளது.

ரஜினியைச் சந்திக்க விரும்பும் ரசிகர்கள் அந்தந்த மாவட்ட பொறுப்பாளர்களிடம் டோக்கன்கள் பெற்றுக் கொள்ள வேண்டும் என அறிவுறுத்தப்பட்டுள்ளனர்.