முகப்பு

செய்திகள்

கபாலி படத்தின் இரண்டாம் பாகத்தைத் தயாரிக்கும் வாய்ப்பு எனக்குக் கிடைத்தால் அது என் பாக்கியம். அது ரஜினி சார் கையில்தான் உள்ளது என்று கலைப்புலி தாணு கூறினார்.

தாணு தயாரிப்பில் ரஜினிகாந்த் நடித்த கபாலி படம் கடந்த வெள்ளிக்கிழமை வெளியாகி வசூல் சாதனைப் படைத்து வருகிறது.

இந்தப் படத்தின் வசூல் இதுவரை எந்த இந்தியப் படத்துக்கும் கிடைக்காதது என்றும், இதனை இன்னொரு ரஜினி படத்தால் மட்டுமே முறியடிக்க முடியும் என்றும் பாக்ஸ் ஆபீஸ் வட்டாரத்தில் கூறுகிறார்கள்.

இந்த நிலையில் கபாலி படத்தின் முடிவு அதன் இரண்டாம் பாகத்துக்கான தொடர்ச்சியைப் டாபோல அமைந்திருப்பதால் அதன இரண்டாம் பாகத்துக்கு இயக்குநர் ரஞ்சித் தயாராகி வருவதாக தகவல் வெளியானது.

இதுகுறித்து தயாரிப்பாளர் தாணுவிடம் நாம் கேட்டபோது, "கபாலி படத்தின் இரண்டாம் பாகத்தைத் தயாரிக்கும் வாய்ப்பு எனக்குக் கிடைத்தால் அது என் பாக்கியம். அது ரஜினி சார் கையில்தான் உள்ளது. அதுபற்றி அவர்தான் கூற வேண்டும். ஒரு தயாரிப்பாளராக நான் தயாராகவே உள்ளேன்," என்றார்.