»   »  காணாமல் போனவர்கள் பற்றிய அறிவிப்பு...! எஸ் பாஸ், இதைத்தான் சிவா இயக்கப் போகிறார்!

காணாமல் போனவர்கள் பற்றிய அறிவிப்பு...! எஸ் பாஸ், இதைத்தான் சிவா இயக்கப் போகிறார்!

Posted by:
Subscribe to Oneindia Tamil

சென்னை : ரேடியோவில் இருந்து சினிமாவில் நாயகனாக அறிமுகமாகி, தமிழ்ப் படம் என்ற ஒரே படத்தில் "உலக சூப்பர் ஸ்டாராகவும்" மாறி, "நடனத்திலும், நடிப்பிலும்" உலகப் புகழ் பெற்ற பல கலைஞர்களுக்கு "சவால்" விட்டு சாதனை படைத்த நடிகர் சிவா, விரைவில் இயக்குநராகப் போகிறாராம்.

ரேடியோ தொகுப்பாளராக இருந்த சிவா, வெங்கட் பிரபு இயக்கிய சென்னை 600028 படத்தின் மூலம் நடிகராக அறிமுகமானார். அதனைத் தொடர்ந்து தமிழ்படம், தில்லுமுல்லு, கலகலப்பு, வணக்கம் சென்னை உள்ளிட்ட படங்களில் நடித்திருந்தார்.

Shiva Debuting as Director in 'Kaanamal Ponavargal Patriya Arivippu'!

நகைச்சுவையான உச்சரிப்பு மற்றும் முகபாவனைகள் மூலம் ரசிகர்களை ரசிக்க வைத்தார் சிவா. இவர் தற்போது 144 என்ற படத்தில் நடித்து வருகிறார்.

இதற்கிடையே ‘ஆடாம ஜெயிச்சோமடா' படத்தின் மூலம் வசனகர்த்தாவாக மாறினார் சிவா. இப்படத்திற்கு கிடைத்த வரவேற்பினைத் தொடர்ந்து, நண்பர்கள் வேண்டுகோளுக்கிணங்க வசனகர்த்தாவாகவும் தொடருவார் எனக் கூறப்படுகிறது.

இந்நிலையில், நடிகர், வசனகர்த்தா என்பதைத் தொடர்ந்து விரைவில் இயக்குநராக புது அவதாரம் எடுக்க திட்டமிட்டுள்ளாராம் சிவா. இதற்கென மூன்று கதைகளை ரெடி செய்து வைத்துள்ளாராம்.

இதில், ‘காணாமல் போனவர்கள் பற்றிய அறிவிப்பு' என்ற கதையை அவரே இயக்கி, நடிக்கவும் போகிறாராம். இந்தப் படத்தை முழுக்க முழுக்க மதுரையில் வைத்து இயக்கப் போகிறாராம் அச்சு அசல் சென்னைப் பையனான சிவா.

‘144' படத்தை முடித்த பிறகு, தனது புதிய படத்தை சிவா இயக்கத் தொடங்குவார் என அவரது நெருங்கிய வட்டாரத் தகவல்கள் தெரிவிக்கின்றன. விரைவில், இதுகுறித்து அதிகாரப்பூர்வ தகவல்கள் வெளியாகும் என எதிர்பார்க்கப்படுகிறது.

English summary
Actor Siva, who has started his career as a RJ and has debuted in cinemas by the film Chennai-28. He has later written dialogues for some of the films like Aadama Jaichomada, and he is now going to try his best in the field of direction. This film has been titled as 'Kaanamal Ponavargal Patriya Arivippu', and the film will be shot in Madurai.
Please Wait while comments are loading...

Tamil Photos

Go to : More Photos