Don't Miss!
- Sports இவருக்கா இந்திய அணியில் இடமில்லை.. பொங்கி எழுந்த ரிஷப் பண்ட்.. அரண்டு போன குஜராத்
- Lifestyle வறுமை நீங்க... செல்வம் பெருக.. துளசியை இந்த திசையில் வையுங்கள்..!
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Automobiles பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- News உடல் பருமன் அறுவை சிகிச்சையால் இறந்த மகன்.. முதல்வர் ஸ்டாலினுக்கு தந்தை கண்ணீர் மல்க கோரிக்கை
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
இனி புகையிலை பொருட்கள் விளம்பரத்தில் நடிக்க மாட்டேன்... இப்படிச் சொல்வது சன்னி லியோன்!
மும்பை: புகையிலைப் பொருட்கள் விளம்பரத்தில் இனி நடிக்கப் போவதில்லை என நடிகை சன்னி லியோன் தெரிவித்துள்ளார்.
அடல்ஸ் ஒன்லி படங்கள் மூலம் பிரபலமான சன்னி லியோன், தற்போது பாலிவுட்டில் பிரபல நடிகையாக வலம் வருகிறார். விளம்பரங்களிலும் அவர் நடித்து வருகிறார்.
இந்நிலையில், சமீபத்தில் பாலிவுட் நட்சத்திரங்களான ஷாரூக்கான், அஜய் தேவ்கன், சயீப் அலிகான், சன்னி லியோன் உள்ளிட்டோருக்கு டெல்லி அரசு கடிதம் ஒன்றை அனுப்பியது. அதில் பான் மசாலா விளம்பரங்களில் நடிக்க வேண்டாம் என வேண்டுகோள் விடுக்கப்பட்டது.
பான் மசாலா விளம்பரங்கள்...
புகையிலை கலக்காத பான் மசாலா என்று சில பொருட்கள் விளம்பரம் செய்யப்படுகின்றன. இது தொடர்பான விளம்பரங்களில் பிரபல பாலிவுட் நட்சத்திரங்கள் சிலரும் நடித்துள்ளனர்.
கேன்சர் அபாயம்...
ஆனால், பான் மசாலாவில் சேர்க்கப்படும் சுபாரி எனப்படும் பாக்கால் புற்று நோய் ஏற்பட வாய்ப்புள்ளதாக ஆய்வுகள் கூறுகின்றன. இதனால், பான் மசாலா, குட்கா போன்றவற்றால் புற்றுநோய் பாதிப்பிற்கு ஆளாகி ஆண்டுதோறும் ஏராளமானோர் உயிரிழந்து வருகின்றனர்.
கடிதம்...
எனவே லட்சக்கணக்கான மக்களின் உயிர்களை காக்கும் வகையில் இது போன்ற பான் மசாலா விளம்பரங்களுக்கு ஆதரவு அளிக்க வேண்டாம் என்று டெல்லி அரசின் சார்பில் கூடுதல் சுகாதார துறை இயக்குனர் அரோரா, ஷாரூக்கான், அஜய் தேவ்கன், சயீப் அலிகான், சன்னி லியோன் உள்ளிட்டோருக்கு கடிதம் அனுப்பினார்.
முன் மாதிரியாகும் நடிகர்கள்...
மேலும், அதில் ‘ நடிகர்கள் தான் இன்றைக்கு இளைஞர்களுக்கு ஒரு முன் மாதிரியாக உள்ளனர். அவர்கள் உங்களை பின்பற்றி தங்களது முடி அலங்காரம், ஆடை ஆகியவற்றை மாற்றிக் கொள்கின்றனர்.
ஆதரவு வேண்டாம்...
எனவே நட்சத்திரங்கள் தோன்றும் இது போன்ற விளம்பரங்கள் இளைஞர்கள் மத்தியில் கடுமையான தாக்கத்தை ஏற்படுத்தும். பான் மசாலா, குட்கா, புகையிலை தொடர்பான விளம்பரங்களில் நடித்து அவற்றிற்கு ஆதரவு அளிக்க வேண்டாம் என அரோரா வலியுறுத்தியிருந்தார்.
சன்னி லியோன்...
அரோராவின் இந்த வேண்டுகோளைத் தொடர்ந்து, சன்னி லியோன் இனி புகையிலை விளம்பரங்களில் நடிக்கப் போவதில்லை என முடிவெடுத்துள்ளாராம். இது தொடர்பாக அவரது கணவர் டேனியல் தொலைபேசி வாயிலாக அரோராவைத் தொடர்பு கொண்டு உறுதி அளித்துள்ளார்.
கணவர் உறுதி...
மேலும், இனி எதிர்காலத்தில் இது போன்ற புகையிலைப் பொருட்கள் தொடர்பான விளம்பரங்களிலும் சன்னி லியோன் நடிக்க மாட்டார் எனவும் டேனியல் தெரிவித்ததாக அரோரா தெரிவித்துள்ளார்.