ஊர் ஊரா கலக்குதடி லிங்கா லிங்கா – லிங்கா படத்தின் 10 சுவாரசிய தகவல்கள்!

கெமிஸ்ட்ரியோ கெமிஸ்ட்ரி:

முதன்முறையாக செம ரொமாண்டிக்காக சோனாக்‌ஷியுடன் நடித்துள்ளார் தலைவர். குழந்தையிலிருந்து ரஜினி பார்த்து வளர்ந்த அவரது நண்பரின் மகளான சோனாக்‌ஷி இன்று அவருடன் திரையில் ரொமான்ஸ் செய்கிறார். ரஜினிக்கு இது சவாலான ஒன்று என்றாலும் திரையில் அழகாகத்தான் வந்துள்ளது.

தரையெல்லாம் தத்ரூப ”செட்கள்”:

இப்படத்திற்காக கிட்டதட்ட உண்மையான இடங்கள் போன்றே பல்வேறு செட்கள் போடப்பட்டுள்ளன. மிகப்பெரிய பாலம், அரண்மனை, ரயில்வே நிலையம் எல்லாமே செட்கள்தான் என்றால் நம்ப முடியவில்லைதான். அந்த அளவிற்கு தத்ரூபமாக வடிவமைக்கப்பட்டுள்ளது.

தத்துக் கொடுத்த அமீர்:

இப்படத்தின் தலைப்பான "லிங்கா"வினை ஏற்கனவே இயக்குனர் அமீர் பதிவு செய்து வைத்திருந்தார். ஆனாலும், ரவிகுமார் கேட்டார் என்று ரஜினிக்காக அந்த தலைப்பினை தத்துக் கொடுத்துவிட்டார் அமீர்.

சோனாக்‌ஷிக்கு வெல்கம்:

லிங்காதான் சோனாக்‌ஷி சின்காவிற்கு தென் இந்தியாவில் முதல் படம். பாலிவுட்டில் கலக்கி வரும் சோனாக்‌ஷி, கோலிவுட்டிலும் கலக்குவதற்கு கிடைத்துள்ள வாய்ப்பு இது. அதனால் பெரும் எதிர்ப்பார்ப்பில் இருக்கின்றார் சோனாக்‌ஷி.

மோனா மோனா கேஸோலீனா:

லிங்கா படத்தில் பிரபலமான மோனா மோனா கேஸோலீனா பாடலில் மூன்று வெவ்வேறு வேடங்களில் திரையில் தோன்றியுள்ளனர் ரஜினியும், அனுஷ்காவும். டாம் குரூஸ், ஜாக் ஸ்பாரர், ராபின் ஹூட் வேடங்களில் அசத்தியுள்ளார் ரஜினி.

பிறந்தநாள் “டீரிட்”:

ரஜினிகாந்தின் 64 ஆவது பிறந்தநாளின் ரசிகர்களுக்கான ஸ்பெஷல் கிப்டாக இந்த படம் வெளியாகியுள்ளது.

பேரனோட பேரும் இதான்:

ரஜினிகாந்தின் பெரிய மகள் ஐஸ்வர்யா - தனுஷ் ஜோடியின் மகன் பெயரும் லிங்காதான். பேரனின் பெயரில் தாத்தா நடித்திருக்கும் ஸ்வீட் படமாக வெளிவந்துள்ளது "லிங்கா".

தலைவா நீ கிரேட்:

இந்த படத்திற்கான டப்பிங்கினை கிட்டதட்ட 24 மணி நேரத்திற்குள் முடித்துக் கொடுத்துள்ளார் சூப்பர் ஸ்டார்.

சோனக்‌ஷிக்கு குரல் கொடுத்தவர்:

பிரபல பிண்ணனி பாடகியான சின்மயிதான் இப்படத்தின் தமிழ் மற்றும் தெலுங்கு பதிப்பிற்கு சோனாக்‌ஷிக்கு குரல் கொடுத்துள்ளார். தமிழ் படத்தில் நடித்திருந்தாலும், சோனாக்‌ஷிக்கு தமிழ் சுத்தமாக தெரியாது என்பது குறிப்பிடத்தக்கது.

முதன்முறையாக ராப் மியூசிக் கலக்கல்:

ரஜினிகாந்த் இப்படத்தில் முதல் முறையாக பாடல் காட்சியில் ராப் மியூசிக்கிற்கு நடித்துள்ளார். அந்த ராப் பகுதியினை ஆர்யன் தினேஷ் கனகரத்னம் பாடியுள்ளார் என்பது குறிப்பிடத்தக்கது.