»   »  இறுதிக் கட்டத்தில் பாலாவின் "தாரை தப்பட்டை"

இறுதிக் கட்டத்தில் பாலாவின் "தாரை தப்பட்டை"

Posted by:
Subscribe to Oneindia Tamil

பாலா இயக்கத்தில் இயக்குநர் சசிகுமார் கதாநாயகனாகவும், வரலட்சுமி கதாநாயகியாகவும் நடிக்கும் படம் தாரைதப்பட்டை. இசைஞானி இளையராஜா படத்திற்கு இசையமைக்க, ஒளிப்பதிவை செழியன் கவனித்துக் கொள்கிறார்.

கரகாட்டத்தை மையமாகக் கொண்டு எடுக்கப்படும் தாரை தப்பட்டை திரைப்படம் தற்போது இறுதிக்கட்டத்தை எட்டியிருக்கிறது. படப்பிடிப்பின் நடுவில் படத்தின் நாயகன் சசிகுமாருக்கு ஏற்பட்ட விபத்து காரணமாக தாரை தப்பட்டையில் சற்று தாமதம் ஏற்பட்டது. சசிகுமாரின் உடல்நிலை சரியானவுடன் தொடங்கிய படப்பிடிப்பு தற்போது வேகமாக நடந்துகொண்டிருக்கிறதாம்.


Tharai Thappattai Now at Final Stage

அண்மையில் தாரை தப்பட்டை படக்குழுவினர் சில முக்கியமான காட்சிகளை அந்தமான் தீவில் சென்று சென்று படம்பிடித்து வந்தனர்.


அந்தமானில் படப்பிடிப்பு நடத்தப்பட்டது மட்டுமின்றி படக்குழுவினர் சென்றுவந்த கப்பலிலும் படப்பிடிப்பை நடத்தியிருக்கின்றனர், கப்பலில் இயல்பாக நடத்தப்பட்ட படப்பிடிப்பு மிகவும் சிறப்பாக அமைந்திருக்கிறதாம்.


தாரை தப்பட்டையின் இறுதிக்கட்டப் படப்பிடிப்பு தஞ்சாவூரில் இன்று தொடங்கவிருப்பதாக கூறுகின்றனர் 15 நாட்கள் இந்தப்படப்பிடிப்பு இருக்கும் என்றும் இந்த 15 நாட்கள் படப்பிடிப்புடன் மொத்தப் படமும் நிறைவடைந்து விடும் என்றும் படக்குழுவினர் கூறியிருக்கின்றனர்.


படத்தை இயக்குவதோடு கதையின் மேலுள்ள நம்பிக்கையால் தாரை தப்பட்டையின் தயாரிப்புச் செலவையும் ஏற்றிருக்கிறார் இயக்குநர் பாலா.


தாரை தப்பட்டைகள் முழங்கட்டும்..டும்...

English summary
Bala's Tharai Thappattai Now Entered in Final Stage.
Please Wait while comments are loading...

Tamil Photos

Go to : More Photos