Don't Miss!
- News இன்டர்நேஷனல் பிரஷர்.. மோடியை தீவிரமாக கவனிக்கும் உலக நாடுகள்.. சீக்ரெட்டை உடைத்த எக்ஸ்பர்ட்
- Lifestyle ஒருடைம் உருளைக்கிழங்கு குருமாவை இந்த ஸ்டைலில் செய்யுங்க.. அப்புறம் பாருங்க இப்படிதான் எப்பவும் செய்வீங்க..
- Finance இன்போசிஸ் எடுத்த முக்கிய முடிவு… கல்லூரி மாணவர்கள் ஷாக்.
- Automobiles ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
- Sports சுற்றி சிஎஸ்கே ரசிகர்கள்.. நடுவில் ஒற்றை ஆளாய் போட்ட ஆட்டம்.. சேப்பாக்கத்தில் லக்னோ ரசிகர் சம்பவம்!
- Technology வெளுக்குது ஆர்டர்.. ரூ.15249 பட்ஜெட்ல AMOLED டிஸ்பிளே.. 45W சூப்பர்வூக்.. 5000mAh பேட்டரி.. எந்த மாடல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
கார்த்தி படத்தில் நடிக்கிறார் வடிவேலு.. ஸ்ருதியைக் காதலிப்பது போல காட்சிகள்!
சென்னை: தெனாலிராமனுக்குப் பிறகு புதிய படங்களில் நடிக்கக் கதை கேட்டு வரும் வடிவேலு, கார்த்தியின் படத்தில் நடிக்க சம்மதித்துள்ளாராம்.
இந்தப் படத்தில் அவர் ஸ்ருதி ஹாஸனை ஒருதலையாகக் காதலிக்கும் வேடத்தில் நடிக்கிறாராம்.
தெனாலிராமன் படம் பெரிதாகப் போகாவிட்டாலும், வடிவேலுவின் கவுரவத்தைக் குறைக்காத படமாக அமைந்தது. இந்தப் படத்துக்குப் பிறகு, இரு புதிய படங்களில் ஹீரோவாக நடிக்கிறார் வடிவேலு. அதே நேரம் புதிய படங்களில் நகைச்சுவை வேடங்களில் நடிக்கவும் சம்மதித்துள்ளார்.
ரௌத்ரம், இதற்குத்தானா ஆசைப்பட்டாய் பாலகுமாரா போன்ற படங்களை இயக்கிய கோகுல் இயக்கும் புதிய படத்தில் கார்த்தி நாயகனாக நடிக்கிறார்.
இந்தப் படத்தில் படம் முழுக்க வரும் நகைச்சுவை வேடத்தில் வடிவேலுவை நடிக்க வைக்க பேசி வருகிறார்கள். வடிவேலுவும் கதையைக் கேட்ட பிறகு நடிக்க ஒப்புக் கொண்டாராம்.
இந்தப் படத்தில் நாயகி ஸ்ருதி ஹாஸனை ஒருதலையாகக் காதலிக்கும் வேடத்தில் வடிவேலு நடிக்கப் போகிறாராம்.
வடிவேலு இதே போல ஏற்கெனவே போக்கிரி படத்தில் நடித்தது நினைவிருக்கலாம். அதில் அஸினைக் காதலிப்பது போல நடித்திருப்பார். போதாக்குறைக்கு சூர்யா - அஸின் நடித்த கஜினி படத்தின் புகழ்பெற்ற சுட்டும் விழிச் சுடரே பாடலைப் பாடி ஆடுவது போல காட்சிகளும் வைக்கப்பட்டிருந்தது நினைவிருக்கலாம்.
இந்தப் படத்திலும் அப்படி காட்சிகள் வைத்தால், ஏழாம் அறிவு பட டூயட்டைப் பயன்படுத்துவார்களோ?