முகப்பு

செய்திகள்

அஜீத் - விஜய் படங்கள் ஒரே நாளில் வெளியானால், இரு தரப்பு ரசிகர்களும் மோதிக் கொள்ளும் செய்திகள் மீடியாவில் அதிகமாக இடம்பெறுவதை கடந்த காலங்களில் பார்த்திருக்கிறோம்.

ஆனால் இப்போது.. இப்போது என்றால் சில மாதங்களாக ஒரு புதிய ட்ரெண்ட் உருவாகி வருகிறது. விஜய் படத்துக்கு அஜீத் ரசிகர்கள் வாழ்த்து தெரிவிப்பதும், அஜீத் படத்தை வாழ்த்தி விஜய் ரசிகர்கள் போஸ்டர் ஒட்டுவதுமாக.. ஒரு ஆரோக்கிய ட்ரண்ட். தொடரட்டும் நல்லதுதான்...

இப்போது சேதி என்ன தெரியுமா... விரைவில் வரப் போகும் அஜீத்தின் என்னை அறிந்தால் படத்தை வரவேற்று விஜய் ரசிகர்கள் போஸ்டர் அடித்து மதுரையெங்கும் ஒட்டியுள்ளனர்.

அந்த போஸ்டர்களில் 'தலயின் தரிசனத்துக்காகக் காத்திருக்கிறோம்' இப்படிக்கு எவனுக்கும் அடங்காத விஜய் வெறியர்கள் என்று அச்சடித்துள்ளனர்.

சமூக வலைத் தளங்களில் இந்த போஸ்டர்தான் பரபரவென பரவிக் கொண்டிருக்கிறது.