Don't Miss!
- News வேலி தாண்டிய வெள்ளாடு.. கோவை லாட்ஜ் டூ திருச்சி லாட்ஜ்.. வெறும் 14 வயசு தான்.. என்ன கொடுமை இதெல்லாம்
- Lifestyle கோடை காலத்தில் முட்டை சாப்பிடலாமா? கூடாதா? நிபுணர்கள் சொல்லுவது என்ன?
- Automobiles தார் ரோடு, பாறைகள் நிறைந்த ஆஃப்-ரோடு எதா இருந்தாலும் ஒரு கை பாத்திடலாம்! இந்தியாக்கு ஏத்த கார் விராங்ளர்!
- Technology உங்க மொபைலில் கூகுள் பே, போன் பே, பேடிஎம் செயலிகள் இருக்கா? இதை கட்டாயம் தெரிஞ்சுக்கோங்க.. ஏன்?
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
என்னை அறிந்தால் முதல் வார வசூலை முறியடித்தது புலி
சென்னை: விஜய்யின் நடிப்பில் கடந்த 1 ம் தேதி வெளியான புலி, அஜீத்தின் நடிப்பில் வெளியான என்னை அறிந்தால் படத்தின் முதல் வார வசூலை முறியடித்திருக்கிறது.
என்னை அறிந்தால் படத்தின் இந்திய வசூல் மற்றும் உலகளாவிய வசூல் ஆகிய இரண்டையும் முறியடித்து வசூலில் சாதனை செய்திருக்கிறது புலி.
மேலும் என்னை அறிந்தால் படத்தின் தமிழ்நாட்டு வசூலை விடவும் 25 லட்சங்களை அதிகமாக வசூலித்திருக்கிறது புலி திரைப்படம்.
என்னை அறிந்தால்
அஜீத், த்ரிஷா, அனுஷ்கா, அருண் விஜய் ஆகியோரின் நடிப்பில் கடந்த பிப்ரவரி மாதம் என்னை அறிந்தால் திரைப்படம் வெளியானது. ஹாரிஸ் ஜெயராஜின் இசையில் கவுதம் வாசுதேவ மேனனின் இயக்கத்தில் வெளியான இந்தத் திரைப்படம் தமிழ்நாட்டில் மிகப்பெரிய ஓபனிங் பெற்ற படமாக அமைந்தது.
முதல் வாரத்தில்
படம் வெளியான முதல் வாரத்தில் உலகளவில் சுமார் 53.65 கோடிகளை வசூலித்து சாதனை புரிந்தது. இந்தியாவில் மட்டும் 38.65 கோடிகளை முதல் 4 நாட்களில் வசூலித்து இருந்தது என்னை அறிந்தால் திரைப்படம்.
புலி
விஜய், ஹன்சிகா, ஸ்ருதி ஹாசன், ஸ்ரீதேவி, சுதீப் ஆகியோரின் நடிப்பில் கடந்த அக்டோபர் 1 ம் தேதி வெளியான புலி திரைப்படம் முதல் 4 நாட்கள் முடிவில் உலகளவில் சுமார் 64.2 கோடிகளை வசூலித்திருக்கிறது. இதன் மூலம் அஜீத்தின் என்னை அறிந்தால் படத்தின் முதல் வார வசூலை முறியடித்து இருக்கிறது புலி.
25 லட்சம்
என்னை அறிந்தால் தமிழ்நாட்டு வசூலை விடவும், புலி 25 லட்சங்களை அதிகமாக வசூலித்து இருக்கிறது. என்னை அறிந்தால் முதல் வார இறுதியில் தமிழ்நாட்டில் 31.25 கோடிகளை வசூலித்து இருந்தது. புலி முதல் வார இறுதியில் தமிழ்நாட்டில் 31.50 கோடிகளை வசூலித்து சாதனை செய்திருக்கிறது.
பட்ஜெட் அதிகம்
புலி படம் என்னை அறிந்தால் படத்தின் வசூலை முறியடித்து இருந்தாலும் புலியை விட என்னை அறிந்தால் படத்தின் பட்ஜெட் குறைவுதான் என்பது குறிப்பிடத்தக்கது. என்னை அறிந்தால் படம் 50 கோடியில் எடுக்கப்பட்டு போட்ட பணத்தை முதல் வாரத்திலேயே எடுத்து விட்டது. 118 கோடியில் எடுக்கப்பட்ட புலி போட்ட பணத்தில் பாதியைத் தான் இதுவரை வசூலித்து இருக்கிறது. வரும் வாரங்களில் நிலைமை எப்படி இருக்கப் போகிறது என்பதை பொறுத்திருந்து பார்க்கலாம்.