புதுமுகம் ராஜேஷ்-ஸ்வாதி இணையும் 'அரசு விடுமுறை'!

By Chakra

| Updated: Thursday, July 12, 2012, 18:00 [IST]

காதலுக்கு மரணமில்லை படத்தை இயக்கிய சி.பாலசுப்பிரமணியம் இயக்கும் அடுத்த படம் அரசு விடுமுறை.

படத்தை இயக்குவதோடு அவரே தயாரிக்கும் அரசு விடுமுறையில் ஹீரோவாக நடிக்கிறார் புதுமுகம் ராஜேஷ். ஹீரோயினாக கேரளத்தைச் சேர்ந்த ஸ்வாதி நடிக்கிறார். இவர் ராட்டினம் படம் மூலம் ஏற்கனவே தமிழில் அறிமுகமானவர்.

அரசு விடுமுறை படத்தின் பூஜை நாளை (ஜூலை 13) ஏவிஎம் ஸ்டுடியோவில் நடக்கிறது. மத்திய செய்தித் துறை இணையமைச்சர் ஜெகத்ரட்சகன் படப்பிடிப்பைத் துவக்கி வைக்கிறார்.

இந் நிகழ்ச்சியில் முன்னாள் அமைச்சர் இந்திரகுமாரி, கவியரசு வைரமுத்து, தயாரிப்பாளர் ஆர்.பி.செளத்ரி, கலைப்புலி் எஸ்.தாணு இயக்குனர்கள் ஆர்.சுந்தர்ராஜன், சுப்பிரமணிய சிவா ஆகியோரும் கலந்து கொள்கின்றனர்.

சிபிஎஸ் இண்டர்நேஷனல் பேனரின் கீழ் தயாரிக்கப்படும் இந்தப் படத்தின் பாடல்களை வைரமுத்து எழுதுகிறார். விடி விஜயன் எடிட் செய்யும் இந்தப் படத்தில் கூல் ஜெயந்த் நடன இயக்குனராவார்.

சண்டைக் காட்சிகளை மிரட்டல் செல்வம் கையாள, தாமஸ் ரத்தினம் இசையமைக்கிறார். கேமராவைக் கையாளப் போவது அன்பரசன். ஆர்ட் டைரக்ஷன் ராஜா. நடன இயக்குனர் கூல் ஜெயந்த்.

ஆல் த பெஸ்ட்!