Don't Miss!
- Automobiles எந்தவொரு பணக்காரருக்கும் இந்த நிலைமை ஏற்பட கூடாது! கடனை திருப்பி செலுத்தாததால் இப்படியெல்லாம் கூட செய்வார்களா?
- News ‛‛70 லட்சம் ஓட்டு''.. கடைசி வரை மவுனம் கலைக்காத விஜய்! இன்று நடக்கப்போகும் மாற்றம்? யாருக்கு லாபம்?
- Sports IPL Classics - 87 ரன்களில் ஆல் அவுட்டான மும்பை.. பஞ்சாப் அணியில் பிரவீன்குமார் அபார பவுலிங்
- Lifestyle 12 ஆண்டுகளுக்கு பின் மேஷத்தில் உருவாகும் கஜலட்சுமி ராஜயோகம்: இந்த 3 ராசிக்கு பண மழை பொழியும்..
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
விஜய்யின் பிறந்த நாள் ஸ்பெஷல்: புதிய க்ளீன் இந்தியா வீடியோ கேம்
நடிகர் விஜய்யின் பிறந்த நாளையொட்டி அவர்களது ரசிகர்களை உற்சாகப்படுத்தவும் 'க்ளீன் இந்தியா' எனப்படும் தூய்மை இந்தியா திட்டம் பற்றிய விழிப்புணர்வுை ஏற்படுத்தும் வகையிலும் ஒரு வீடியோ கேம் உருவாக்கப்பட்டுள்ளது.
வழக்கமான கேம்களில் அடிப்பது, குத்துவது, மோதுவது, துரத்துவது, சுடுவதுபோல இதில் குப்பையை அகற்றுவதுதான் செயல்படாக இருக்கும். விஜய்தான் இப்படி சுத்தம் செய்யும் ஹீரோ. இந்த விளையாட்டை வடிவமைத்துள்ளவர்கள் ஸ்கை டவ் சொல்யூஷன் நிறுவனம்.
இவர்கள் வடிவமைத்து அண்மையில் வெளியான 'கபார் இஸ் பேக்' கேமை ஸ்ருதிஹாசன் வெளியிட்டது குறிப்பிடத்தக்கது. அதற்கு முன் 'கத்தி' கேமை உருவாக்கியதும் இவர்கள்தான். பாலிவுட் படங்களின் கேமில் பங்கெடுத்த பலரும் இதில் பணியாற்றியுள்ளனர்.
ஸ்கை டவ் ஸ்டுடியோஸ் நிறுவனத்தின் சி.இ.ஓ சிவா இதுபற்றி பேசும்போது, "இது விஜய் ரசிகர்களுக்கும் அனைத்து தரப்பு ரசிகர்களுக்கும் பிடிக்கும்படி வடிவமைக்கப்பட்டுள்ளது. இந்த கேமில் ஐந்து நிலைகள் இருக்கும். ஒவ்வொன்றிலும் ஈ.ஸி, மீடியம், ஹார்டு என்று அதாவது சுலபம், இடைப்பட்டது, கடினம் என்று மூன்று வகை வேகத்தில் விளையாட்டுகள் இருக்கும். விருப்பப் பட்டதைத் தேர்வு செய்து விளையாடலாம்.
மேலும் இந்த தூய்மை பணி சென்னையில் தொடங்கி கொச்சி, மும்பை, டில்லி, கொல்கத்தா என்று ஐந்து மெட்ரோ நகரங்களில் நடக்கிற மாதிரி இருக்கும். ஒவ்வொன்றிலும் ஒவ்வொரு விதத்திலும் குப்பைகளை அகற்ற வேண்டும். உதாரணத்துக்கு கொச்சியில் ஆற்றில் உள்ள குப்பைகளை கொக்கி போட்டு அகற்ற வேண்டும். மும்பையில் சாலையிலுள்ள குப்பைகளை அகற்ற வேண்டும். கொல்கத்தாவில் மேலிருந்து வந்து விழும் குப்பைகளை அகற்ற வேண்டும். இப்படி வெவ்வேறாக வடிவமைக்கப்பட்டுள்ளது," என்றார்.
இந்த கேமிற்கு நல்ல நோக்கம் உள்ளது என்பதால் விஜய் அனுமதி கொடுத்துள்ளார். கேமை பார்த்த விஜய் ரசித்ததுடன் பாராட்டி தன் மகிழ்ச்சியையும் தெரிவித்து இருக்கிறார். பாலிவுட்டில் பெரிய கதாநாயகர்களின் ஒவ்வொரு படத்திற்கும் கேம்கள் வருகின்றன. ஷாருக்கான், அமீர்கான், ஹிருத்திக் ரோஷன் போன்ற நடிகர்கள் கேம் வடிவமைக்க ஆர்வம் காட்டுபவர்கள். அவர்களின். 'டான்', 'க்ரீஷ்' 'ஹாப்பி நியூ இயர்' 'பி.கே' போன்ற கேம்கள் பெரிய வெற்றி பெற்றவை.
தமிழில் 'கோச்சடையான்,' 'கத்தி', 'அஞ்சான்' போன்று சிலவே வந்துள்ளன. பொதுவாக கேம் ஒரு கெட்ட பழக்கம் என்றும் விலகிவிட முடியாதபடி ஈர்க்கும் சக்தி என்று விமர்சிப்பவர்கள் கூட இதை வரவேற்பார்கள். ஏனென்றால் குப்பைகளை அகற்றுவதும், தூய்மையாக இரு என்பதும் தவறல்ல. தூய்மையாக இரு என்றுதான் இது வலியுறுத்தி அடிமைப்படுத்தும்.
நல்ல பழக்கத்துக்கு அடிமையாகலாம் தவறில்லைதானே? அதை யாரும் குறை சொல்லமாட்டார்கள் அல்லவா? என்கிறார்கள் வடிவமைத்தவர்கள்.