அசோகவனம்… அஜய்யிடம் இருந்து தப்புவாளா சிநேகா?

By Mayura Akilan

Published: Friday, July 17, 2015, 11:50 [IST]

புதுயுகம் தொலைக்காட்சியில் ஒளிபரப்பாகும் அசோகவனம் தொடர் 200 அத்தியாயங்களைத் தாண்டி அடுத்தகட்ட பரபரப்பில் நுழைகிறது. பெண்களுக்கு பிடித்தமான சீரியல் என்றாலே அது 500 எபிசோடுகளை எப்படியும் தொட்டுவிடும்.

அதுபோலத்தான் புதுயுகம் தொலைக்காட்சியில் திங்கள் முதல் வெள்ளி வரை இரவு 9.00 மணிக்கு ஒளிபரப்பாகும் ‘அசோகவனம்' தொடர் தற்போது திடீர் திருப்பங்களுடன் 200 எபிசோடுகளை தாண்டி ஒளிபரப்பாகிறது. இந்தத் தொடரில் ரிஷி, சுஜிதா, சுபாஷினி, சத்தியசாய், பவானி மற்றும் பலர் நடிக்கிறார்கள்.

அஜய் வில்லத்தனம்

அபலை பெண்களை திருமணம் முடித்து அமெரிக்காவுக்கு அழைத்துச்செல்லும் அஜய், அங்கிருக்கும் கோடீஸ்வரர்களுக்கு அவர்களை விருந்தாக்கும் கொடூரபுத்தி கொண்டவனாக இருக்கிறான்.

தப்பிய சிநேகா

அவனிடம் இருந்து கடுமையாக போராடி இந்தியா வருகிறார் சினேகா. தன்னிடம் இருந்து தப்பிய சினேகாவை பழிவாங்குவதற்காக இந்தியாவுக்கு வருகிறான் அஜய்.

கடத்தப்பட்ட அஜய்

சினேகாவை மிரட்டும் அஜய் திடீரென காணாமல் போகிறான். அமெரிக்காவில் இருந்து வரும் அவனது பெற்றோர், அஜய்யை சினேகா கடத்தியதாக நினைத்து கொடுமைப்படுத்துகிறார்கள்.