எல்லோருக்கும் பிடிச்ச நல்ல மாமியார் நான்… நடிகை யுவராணி

சித்தியில் வில்லியானேன்…

''22 வருஷமா பெரியதிரை, சின்னத்திரைன்னு நடிச்சுகிட்டு இருக்கேன். 'சித்தி' மெகா தொடர் 'பிரபாவதி' கதா பாத்திரம், இப்பவும் ரசிகர்கள் மனசுல என்னை வெச்சுருக்கு. அதற்குக் காத்திரம் அந்த கதாபாத்திரத்திற்கு கொடுக்கப்பட்ட முக்கியத்துவம்.

தென்றலில் ஆபிசர்

தென்றல் தொடரில் கணவரால் கைவிடப்பட்ட வங்கி அதிகாரியாக வருவேன். அந்த கதாபாத்திரத்தையும் ரசிகர்கள் வரவேற்று ஏற்றுக் கொண்டனர்.

நல்ல மாமியார் நான்

ஆரம்பத்தில் மாமியாரா நடிக்கணுமானு தோணுச்சுதான். ஆனா, கதையைக் கேட்டதுக்கு அப்புறம் நிச்சயமா விடக்கூடாதுனு தலையாட்டிட்டேன். தற்போதைய சூழல்ல ஒரு பெண் தனியே எதிர் கொள்ள வேண்டிய பிரச்னைகளை அலசி தீர்வு சொல்லும் கதாபாத்திரம். நல்ல மாமியாராக நடிக்கிறேன்.

மறுபடியும் வில்லி

என்னை சீக்கிரமே மறுபடியும் பரபரப்பான வில்லியா பார்க்கப்போறீங்க. ஜெயா டி.வி-யில விரைவில் ஒளிபரப்பாகப் போகிற 'தாய் வீடு' தொடர்ல, எல்லாரும் திட்டித் தீர்க்கிற எதிர்மறையான கதாபாத்திரம்!'

அம்மா பசங்க எனக்கு

''கணவர் ரவீந்திரா, ஸ்பா அண்ட் பியூட்டி பார்லர் துறையில இருக்காங்க. ரெண்டு பசங்க. பெரியவன் விஷ்ணு, சின்னவன் நித்யன். பயங்கர வாலு பசங்க. நானும் என் மாமியாரும்தான் அவங்களை கவனிச்சுக்குவோம். ஷூட் இருந்தா பாட்டி பசங்க, ஷூட் இல்லைனா அம்மா பசங்க என்று கூறிவிட்டு சூட்டிங்கிற்கு கிளம்பினார் யுவராணி.