Don't Miss!
- Lifestyle முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- Automobiles தேர்தல் வர நேரத்துல பிரம்மாஸ்திரத்தை கையில எடுத்துட்டாங்க! சுங்கசாவடிகளை தூக்க முடிவு பண்ணிட்டாங்க!
- News தமிழ்நாட்டில் ஐஏஎஸ், ஐபிஎஸ் அதிகாரிகளுக்கு சம்பளம் எவ்வளவு.. இவ்வளவு சலுகைகளா? ஆச்சர்யமான தகவல்கள்
- Technology iPhone-க்கு நெத்தி அடி.. வயர்லெஸ் MagCharge உடன் வந்த முதல் ஆண்ட்ராய்டு போன்.. Samsung இல்லை OnePlus இல்லை..
- Sports ஆர்சிபி வேண்டாம் என ஒதுக்கிய 3 வீரர்கள்.. ஐபிஎல் 2024 சீசனில் பட்டையை கிளப்பும் அதிசயம்
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
சன் டிவியில் குஷ்பு தயாரிக்கும் சரித்திர தொடர்... ராதிகா நேரத்தை கைப்பற்றினார்
சென்னை: நடிகை குஷ்பு சன் டிவிக்காக சரித்திர தொடர் ஒன்றை தயாரிக்க முடிவெடுத்துள்ளதாக தகவல் வெளியாகியுள்ளது.
90 களில் தமிழ் சினிமா ரசிகர்களின் கனவுக்கன்னியாக இருந்த குஷ்புவிற்கு கோவிலே கட்டினார்கள். சூப்பர் ஸ்டாருடன் ஜோடியாக நடித்த குஷ்பு ஒரு கட்டத்தில் லிவிங்ஸ்டன், பாண்டிராஜன் போன்ற நடிகர்களுடன் கூட ஜோடி சேரும் அளவிற்கு மார்க்கெட் டல் அடித்தது.
உடனே சின்னத்திரை பக்கம் தனது கவனத்தை திருப்பினார் சுந்தர் கே. விஜயன் இயக்கிய குங்குமம் சீரியல் மூலம் சன் டிவியில் அறிமுகமானார். சீரியல் ஹிட் அடிக்க, மருமகள், கல்கி என பல சேனல்களில் ஓளிபரப்பான சீரியல்களில் நடித்தார் குஷ்பு.
ஜாக்பாட் ஜாக்கெட்
ஜெயா டிவியில் ஜாக்பாட் நிகழ்ச்சி நடத்தினார் குஷ்பு. அவரது தமிழ் நிகழ்ச்சியை பிரபலப்படுத்தியது. நிகழ்ச்சிக்காக குஷ்பு அணிந்து வந்த ஜாக்கெட் பிரபலமானது.
கலைஞர் டிவி
திமுகவில் குஷ்பு இணைந்த உடன் ஜெயா டிவியில் இருந்து டிஸ்மிஸ் செய்யப்பட்டார். கலைஞர் டிவியில் நடன நிகழ்ச்சியில் நடுவரானார். அங்கே பார்த்த ஞாபகம் இல்லையோ என்ற சீரியலை தயாரித்து நடித்தார். குஷ்பூ நடித்த சீரியல்களுக்கும் நேயர்கள் மத்தியில் வரவேற்பு இருந்தது.
மாறிய காட்சிகள்
திமுகவில் இருந்து விலகிய குஷ்பு காங்கிரஸ் கட்சியில் இணைந்தார். கலைஞர் டிவியில் தயாரித்து வழங்கிய நிகழ்ச்சிகளையும் அவசரம் அவசரமாக முடித்துக் கொண்டார். பார்த்த ஞாபகம் இல்லையோ என்ற சீரியலையும் பாதியோடு முடித்தார்.
ரியாலிட்டி நிகழ்ச்சிகள்
சிம்ப்ளி குஷ்பூ, நினைத்தாலே இனிக்கும், நம்ம வீட்டு மகாலட்சுமி, போன்ற நிகழ்ச்சிகளில் சில சேனல்களுக்காக தொகுத்து வழங்கினார். இப்போது ஜூனியர் சூப்பர் ஸ்டார் நிகழ்ச்சியில் நடுவராக வந்து மார்க் போடுகிறார்.
சன் டிவிக்கு சரித்திர தொடர்
அடுத்தபடியாக அவர் ஒரு சரித்திர தொடரை சன் டிவிக்காக தயாரிக்கப்போகிறாராம். அதுவும் இவரது தொடர் இரவு 9.30 மணிக்கு ஒளிபரப்பாகப் போகிறதாம். டல் அடிக்கும் சீரியல்களை எடுத்துவிட்டு புதிய சீரியல்களை களமிறக்க திட்டமிட்டுள்ளது சன் டிவி.
ராதிகாவிற்கு போட்டி
சன் டிவியில் 20 ஆண்டுகாலமாக ராதிகாவிற்கு இரவு 9.30 மணி ஸ்லாட் கொடுக்கப்பட்டுள்ளது. கட்சி மாறினாலும் அவர் சேனல் மாறவில்லை. முக்கிய அங்கம் வகித்து வருபவரான ராதிகா தற்போது வாணி ராணி என்ற தொடர் ஒளிபரப்பாகி வருகிறது.
அப்போ ராதிகா?
ராதிகாவுக்கு கொடுக்கப்பட்டு வந்த நேரத்தில், குஷ்புவின் தொடரை ஒளிபரப்பு செய்து கொள்ள ஒப்புதல் வழங்கப்பட்டுள்ளதாம். ராதிகாவின் ராடான் நிறுவனம் இனி ஜெயா டிவிக்கு சீரியல் தயாரிக்குமோ?