காதல் திருமணம் செய்ய ஆசை: மனம் திறக்கும் ரதி

நல்ல கதைகள்

சினிமாவில் சொல்ல மறந்த கதை படத்திற்குப் பின்னர் வேறு பிடித்தமான, நல்ல கதைகள் அமையவில்லை அதனால்தான் சினிமாவை விட்டு சீரியலுக்கு நடிக்க வந்தாராம் ரதி.

சாந்தி நிலையம்

ஜெயா டிவியில் சாந்தி நிலையம் தொடரும் ரதிக்கு நல்லப் பெயரை ஏற்படுத்திக் கொடுத்ததாம். டிவி தொடர் என்பதைத்தாண்டி ஒரு குடும்பமாக பழகினார்களாம் சாந்தி நிலையம் சீரியல் டீம்

கல்லூரி படிப்பு

பள்ளிப் படிப்பை முடித்துவிட்டு நடிக்க வந்த ரதி சினிமா, சீரியலில் இடைவெளி ஏற்பட்ட உடன் மீண்டும் கல்லூரிக்குப் போய் படித்துவிட்டு வந்திருக்கிறார். ஜெனிடிக்ஸ் படிப்பில் இளங்கலை முடித்த அவர் மீண்டும் சீரியலில் கவனம் செலுத்த ஆரம்பித்து விட்டார்.

திருச்செல்வம் டீம்

கோலங்கள், மாதவி, பொக்கிஷம் இயக்கிய திருச்செல்வம்தான் இப்போது சித்திரம் பேசுதடி தொடரை இயக்குகிறார். இந்த கதை 5 பெண்களை சுற்றி வரும் கதையாம். பெரிய குடும்பம் என்பதால் கலகலப்பாக இருக்கிறது என்கிறார் ரதி.

பெங்களூர் பொண்ணு

ரதிக்கு தமிழகத்தில்தான் வேலை என்றாலும் பெங்களூர்தான் பிடித்த ஊராம். பிறந்த மண் பாசத்தில் விட்டுக் கொடுக்காமல் பேசுகிறார்.

காதல் கல்யாணம்

ரதி வீட்டில் எல்லோரும் காதலித்து திருமணம் செய்து கொண்டவர்களாம். அதேபோல ரதியும் காதல் திருமணம் செய்து கொள்ள வேண்டும் என்றுதான் ஆசைப்படுகிறார். ஆனால் இதுவரைக்கும் நல்ல பையன் கிடைக்கவில்லை என்றும் வருத்தப்படுகிறார் ரதி.