சரத்குமார் தயாரிக்கும் விஜய் டிவியில் விண்ணைத்தாண்டி வருவாயா சீரியல்

விண்ணைத் தாண்டி வருவாயா?

விண்ணைத் தாண்டி வருவாயா என்று சீரியலுக்கு பெயர் வைத்துள்ளனர். காதல் கதை. பேய், மாந்திரீகம் சீரியல்களுக்கு மத்தியில் காதல் சீரியலை ஒளிபரப்புகளுக்கு விஜய் டிவி. இந்த சீரியலில் விக்ரம் - மதுமிலா நடிக்கின்றனர்.

பாடகி மதுமிலா

விண்ணைத்தாண்டி வருவாயா சீரியலில் பாடகியாக நடிக்கிறார் மதுமிலா. பாட்டுப்போட்டியில் பரிசு வெல்கிறார் மதுமிலா. பரிசளிப்பவர் சரத்குமார். இதன் மூலம் சின்னத்திரையில் தான் தயாரிக்கும் சீரியலில் முதன்முறையாக நடித்துள்ளார் சரத்குமார்.

நான் ரெடி நீங்க ரெடியா?

ராதிகா தயாரித்த கோடீஸ்வரன் நிகழ்ச்சியின் மூலம் சின்னத்திரைக்கு வந்தார் சரத்குமார். இப்போது தனியாக புதிய தயாரிப்பு நிறுவனம் தொடங்கி விஜய் டிவியில் சீரியல் தயாரித்து வருகிறார். விரைவில் அவரும் சீரியலில் நடிப்பார் என்றும் கூறப்படுகிறது.

சின்னத்திரையில் வெற்றி

சினிமா தயாரிப்பாளராக தொடங்கி வில்லனாக நடித்து பின்னர் ஹீரோவாக வெற்றி பெற்று அரசியல்வாதியாக வலம் வந்த சரத்குமார் தற்போது சின்னத்திரை தயாரிப்பாளராக களமிறங்கியுள்ளார் என்பது குறிப்பிடத்தக்கது.