சென்னை: சினிமாவில் முன்னணி நடிகையாக இருந்தாலும், சமூகப் பிரச்சினைகள் குறித்து தொடர்ந்து தனது கருத்தை வெளிப்படுத்தி வரும் நடிகை ஒருவர் மீண்டும் கோலிவுட்டில் பேசுபொருளாகியிருக்கிறார். சமீபத்தில் நாடு முழுவதும் விவாதத்தை ஏற்படுத்திய ஒரு முக்கிய விவகாரம் தொடர்பாக அவர் வெளியிட்ட பதிவு, சமூக வலைதளங்களில் பெரும் கவனத்தை ஈர்த்துள்ளது.
பொதுவாக திரையுலகைச் சேர்ந்த பலர் அரசியல் அல்லது சமூக ரீதியான விவகாரங்களில் கருத்து சொல்ல தயங்கும் சூழல் இருக்கிறது. காரணம், அதற்குப் பிறகு சமூக வலைதளங்களில் ஏற்படும் விமர்சனங்களும், திட்டமிட்ட எதிர்ப்புகளும்தான். ஆனால், இந்த நடிகை மட்டும் அந்த பாதையைத் தேர்வு செய்யாமல், தனது நிலைப்பாட்டை தொடர்ந்து வெளிப்படுத்தி வருகிறார் என்பதே கோலிவுட்டில் பேசப்படும் விஷயமாக இருக்கிறது.
குறிப்பாக கல்வி, மாணவர்கள், சமூக நீதி போன்ற விவகாரங்களில் ஏதாவது சர்ச்சை எழுந்தாலே, தனது கருத்தை வெளிப்படையாக பதிவு செய்வதை அவர் வழக்கமாக வைத்திருக்கிறார். அதற்காக சமூக வலைதளங்களில் கடுமையான விமர்சனங்களையும் எதிர்கொண்டிருக்கிறார். ஆனாலும், தனது நிலைப்பாட்டை மாற்றிக் கொள்ளாமல் தொடர்ந்து குரல் கொடுத்து வருவது பலரது கவனத்தையும் ஈர்த்துள்ளது.
படம் வெளியாகும் போது: இதன் காரணமாக, குறிப்பிட்ட அரசியல் சிந்தனையை ஆதரிப்பவர்கள் மட்டுமல்லாமல், பிரபல நடிகர் ஒருவரின் ரசிகர்களும் சமூக வலைதளங்களில் அவருக்கு எதிராக அவ்வப்போது கடுமையான கருத்துகளை பதிவிட்டு வருவதாக கூறப்படுகிறது. புதிய படம் வெளியாகும் நேரங்களிலும் கூட, அந்த நடிகையை குறிவைத்து எதிர்மறையான பிரசாரம் நடப்பது கோலிவுட்டில் புதிதல்ல என்றும் சினிமா வட்டாரங்களில் பேசப்படுகிறது. பாராட்டு: இருப்பினும், அதையெல்லாம் பொருட்படுத்தாமல், தான் நம்பும் விஷயங்களில் தொடர்ந்து குரல் கொடுத்து வருகிறார் அந்த நடிகை. திரையுலகில் ஒரு பக்கம் தனது பயணத்தை தொடர்ந்தபடியே, மற்றொரு பக்கம் சமூக விவகாரங்களிலும் தனது கருத்தை வெளிப்படுத்தும் தைரியத்தை அவர் காட்டி வருவது பாராட்டுக்குரியது என்று ஒரு தரப்பினர் கூறி வருகின்றனர். அரசியல்: அதே நேரத்தில், "படங்களில் நடிப்பது வேறு... சமூக விவகாரங்களில் பேசுவது வேறு" என்ற கருத்தும் மறுபக்கம் எழுந்து வருகிறது. ஆனால் விமர்சனங்கள் அதிகரித்தாலும், தனது கருத்தை வெளிப்படையாக பதிவு செய்வதை அவர் நிறுத்தப் போவதில்லை என்றே அவருக்கு நெருக்கமான வட்டாரங்கள் கூறுகின்றன. சினிமாவில் மட்டுமல்ல, சமூக விவகாரங்களிலும் தனது அடையாளத்தை பதிக்க முயற்சிக்கும் அந்த நடிகையின் இந்த அணுகுமுறை, கோலிவுட்டில் மீண்டும் விவாதத்தை கிளப்பியுள்ளது. "விமர்சனங்களைத் தாண்டியும் தன்னுடைய நிலைப்பாட்டை விட்டுக் கொடுக்காத தைரியத்துக்கு சல்யூட்" என்ற கருத்தும் சமூக வலைதளங்களில் பரவி வருகிறது.More Articles