கட்டா குஸ்தி 2.. பாராட்டி தள்ளிய ரஜினிகாந்த்.. பூரிப்பில் விஷ்ணு விஷால்

கட்டா குஸ்தி 2: அதன்படி கட்டா குஸ்தி 2வில் விஷ்ணு விஷால்,ஐஸ்வர்யா லட்சுமி, முனீஸ்காந்த், கருணாஸ், ரம்யா கிருஷ்ணன், குழந்தை நட்சத்திரம் சாரா உள்ளிட்டோர் நடித்திருந்தார்கள். சில வாரங்களுக்கு முன்பு வெளியான படம் முதல் நாள் முதல் காட்சியிலிருந்தே பாசிட்டிவ் விமர்சனங்களை பெற தொடங்கியது. இதன் காரணமாக அடுத்தடுத்த காட்சிகளுக்கு தியேட்டர்களில் கூட்டம் அலைமோதியது.

சூப்பர் ஹிட் படம்: முக்கியமாக குடும்ப ரசிகர்களிடம் படம் ரொம்பவே கனெக்ட் ஆகிவிட்டதன் காரணமாக; முதல் சில நாட்கள் தொடர்ந்து ஹவுஸ்ஃபுல்லாக போனது. வசூலும் சக்கைப்போடு போட்டது. இதன் காரணமாக இயக்குநருக்கு பத்து சவரனில் நகையும், ஹீரோ விஷ்ணு விஷாலுக்கு ஒரு பிஎம்டபிள்யூ காரும் தயாரிப்பாளர் கிஃப்ட் செய்தார். செல்லா அய்யாவுக்கும் விஷ்ணு ஒரு காரை ரிலீஸுக்கு முன்னதாகவே பரிசாக கொடுத்துவிட்டார்.

பாராட்டிய ரஜினி: இந்நிலையில் ரஜினிகாந்த் இந்தப் படத்தை பாராட்டியிருக்கிறார். அவர் படம் குறித்து விஷ்ணு விஷாலிடம் கூறுகையில், "செம்ம படம். ரொம்ப ஜாலியான எண்ட்டெர்டெயினர். இந்த மாதிரி படங்கள் இப்போது எல்லாம் வருவதே இல்லை. ரொம்ப நல்லா நடித்திருக்கிறீர்கள். ஐஸ்வர்யா லட்சுமியும் சூப்பர் நடிப்பு. குட்டி சாரா பாப்பாவை எப்படி கண்டுபிடித்தீர்கள். அவர் அசத்திவிட்டார். விஷ்ணு, உங்களுக்கு நல்ல கதை அறிவு இருக்கிறது. இன்னும் நிறைய நல்ல படங்களை கொடுங்கள்" என குறிப்பிட்டிருக்கிறார்.

விஷ்ணு விஷால் பெருமிதம்: இதுகுறித்து விஷ்ணு விஷால் வெளியிட்டிருக்கும் பதிவில், "கட்டா குஸ்தி 2 படத்தை பார்த்த பிறகு ஒரே ஒரு சூப்பர் ஸ்டாரான ரஜினிகாந்த் என்னை நேரில் அழைத்து பாராட்டினார். அது அளவிட முடியாத உற்சாகத்தையும், மகிழ்ச்சியையும் கொடுத்தது. இந்தப் பயணத்தின் மிகச்சிறந்த தருணம் அவரிடமிருந்து வந்த அந்த தொலைபேசி அழைப்புதான். அவர் கூறிய ஒவ்வொரு வார்த்தையும், என் அடுத்த பயணத்துக்கு ஊக்கமாக அமைந்திருக்கிறது" என்றார்.