ஹாலிவுட் ஹீரோயின் லுக்.. பட வாய்ப்புகள் இல்லை என்றாலும் இணையத்தை சூடேற்றும் ராய் லட்சுமி!

சென்னை: பார்ப்பதற்கு ஹாலிவுட் நடிகை போலவே செம்ம மாடர்னாகக் காட்சியளித்தாலும், நடிகை லட்சுமி ராய் முதன்முதலில் அறிமுகமானது என்னமோ 'கற்க கசடற' என்ற தமிழ் படத்தின் மூலம் கோலிவுட்டுக்குள் காலடி எடுத்து வைத்தார். முதல் படம் சொல்லிக் கொள்ளும் அளவிற்குப் பெரிய வெற்றியைத் தரவில்லை. இருப்பினும், அடுத்தடுத்து கணிசமான திரைப்படங்களில் நடித்துத் திரையுலகில் தனக்கென ஒரு பெயரை எடுத்தார்.

நடிகை ராய் லட்சுமி: ஆனால், ஒருகட்டத்திற்கு மேல் தமிழ் சினிமாவில் இவரால் ஒரு நிலையான அல்லது முன்னணி இடத்தைப்பிடிக்க முடியாமல் போனது. இதனால் தெலுங்கு சினிமா பக்கம் சென்ற லட்சுமி ராய், அங்கும் கணிசமான திரைப்படங்களில் நடித்து வந்தார். எனினும் இவருடைய நடிப்பு அந்த அளவுக்குப் பேசப்படாததால், அங்குப் பெரும்பாலான படங்களில் ஒரு கவர்ச்சி நடிகையாகவே வலம் வரத் தொடங்கினார். நம்ம பெயரில் தான் ஏதோ பிரச்சனை இருக்கிறது எனத் தீவிரமாக யோசித்த லட்சுமி ராய், தன் பெயரை 'ராய் லட்சுமி' என மாற்றிக் கொண்டாலும் இவருக்குப் பட வாய்ப்புகள் தொடர்ந்து வரவில்லை. இதனால் பாலிவுட்பக்கமும் சென்று ஒரு கை பார்த்தார். அங்கு கவர்ச்சிக் காட்டி நடித்த போதிலும், சொல்லிக் கொள்ளும் அளவிற்கு இவருடைய நடிப்பில் எந்தவொரு ஹிட் படமும் வெளியாகவில்லை.